قازاقستاننىڭ ەكى وبلىسىندا كارانتين شارالارى جەڭىلدەتىلىپ، كەيبىر شەكتەۋ شارالارى الىندى.

سولتۇستىك قازاقستان وبلىسى باس مەملەكەتتىك سانيتاريا دارىگەرىنىڭ سوڭعى قاۋلىسىنا سايكەس وبلىستا شەكتەۋ شارالارىنىڭ تومەندەگىدەي تۇرلەرى جەڭىلدەتىلدى.

♦ سەنبى كۇنى ساۋدا-ويىن-ساۋىق ورتالىقتارىنىڭ، ساۋدا ورتالىقتارىنىڭ، ساۋدا ۇيلەرىنىڭ، جابىق كيىم بازارلارىنىڭ، جابىق ازىق-تۇلىك ەمەس تاۋارلار بازارلارىنىڭ، جابىق قۇرىلىس بازارلارىنىڭ، باسسەيندەردىڭ قىزمەتىنە رۇحسات ەتىلىپ، جۇمىس ۋاقىتى 24.00-گە دەيىن ۇزارتىلدى؛

♦ قوعامدىق كولىكتەردىڭ جۇمىسى جانداندىرىلدى (ەلدىمەكەندەر ىشىندە، ونىڭ ىشىندە قالا ماڭى مارشرۋتتارىندا)، فيتنەس، ترەناجەر زالدارى، سپورت وبەكتىلەرى، سەنبى جانە جەكسەنبى كۇندەرى 500 شارشى مەتردەن اساتىن ازىق-تۇلىك ەمەس دۇكەندەر جۇمىسىن جالعاستىرادى؛

♦ قوعامدىق تاماقتانۋ وبەكتىلەرىنىڭ جۇمىس ۋاقىتى ساعات 08.00-دەن 24.00-گە دەيىن ۇزارتىلدى، سەنبى جانە جەكسەنبى كۇندەرى جۇمىس ىستەۋگە رۇقسات ەتىلدى، ونىڭ ىشىندە ساۋدا-ويىن-ساۋىق ورتالىقتارىندا، ساۋدا ورتالىقتارىندا، ساۋدا ۇيلەرىندە جۇمىس ىستەۋگە رۇقسات ەتىلدى؛

♦ شتات كەستەسى 15-تەن استام قىزمەتكەر بولعان كەزدە قىزمەتكەرلەردىڭ كەمىندە 60%-ى قاشىقتىقتان جۇمىس نىسانىنا اۋىستىرىلادى؛

♦ راديۋسى 300 شاقىرىمنان اسپايتىن قالاارالىق/وبلىسارالىق تۇراقتى اۆتوبۋستاردىڭ (شاعىن اۆتوبۋستاردىڭ) قوزعالىسىنا رۇقسات ەتىلەدى.

ال قىزىلوردا وبلىسى باس مەملەكەتتىك سانيتار دارىگەرىنىڭ جاڭا قاۋلىسىنا سايكەس جەكەلەگەن وبەكتىلەردەگى كارانتين تالاپتارى جەڭىلدەتىلدى:

♦ سىيىمدىلىعى 150 ادامعا دەيىن، تولىمدىلىعى 25%-تەن اسپايتىن مەشىتتەردە، اۋىلدىق جەرلەردە عانا جۇما نامازىنا رۇقسات بەرىلدى.

♦ ءبىلىم بەرۋ ۇيىمدارىنداعى كونتينگەنتى 300 وقۋشىعا دەيىن قالالىق جانە اۋىلدىق ءداستۇرلى فورماتتا وقيتىن مەكتەپتەر، 1-دەن 5ء-شى سىنىپتى قوسا العاندا، وقۋ بىتىرەتىن 9، 11 (12) سىنىپتارداعى وقۋشىلار، كوللەدجدەر مەن جوعارى وقۋ ورىندارىنىڭ ءى كۋرس ستۋدەنتتەرى ءۇشىن قوعامدىق تاماقتانۋ وبەكتىلەرىنىڭ قىزمەتىنە رۇقسات ەتىلدى.