ەلىمىزدىڭ قورعانىس مينيسترلىگى قوعامدىق تالقىلاۋ ءۇشىن ءتيىستى قاۋلى جوباسىن "اشىق نقا" پورتالىنا جاريالادى.

قۇجاتتا بەرىلەتىن قارۋ-جاراقتىڭ پايدالانىلماي، قوردا ارتىق تۇرعانى كورسەتىلگەن.

تاجىكستانمەن جاسالعان كەلىسىم جوباسىندا قازاقستان جابدىقتى دۋشانبە قالاسىنا جەتكىزۋدى، سونداي-اق كولىك شىعىندارىن ءوز موينىنا العان.

نقا جوباسىنا سايكەس، قازاقستان تاجىكستانعا بەرەدى:

بو وعى بار 5،45 مم پاتروندار – 3 ملن دانا؛

23 مم پاترون – 20 مىڭ دانا؛

82 مم وق – 10 مىڭ دانا.

قىرعىزستانمەن جاسالعان كەلىسىم جوباسىندا تەحنيكانىڭ قوي-تاش ەلدىمەكەنىنە جەتكىزىلەتىنى، شىعىنداردى قازاقستاندىق تاراپتىڭ كوتەرەتىنى كورسەتىلگەن.

بەرەتىن مۇلىك ءتىزىمى:

بو وعى بار 5،45 مم پاتروندار – 6 ملن دانا؛

جارىقشاقتى-فۋگاستى باستيەگى بار 122 مم رەاكتيۆتى سنارياد – 1000 دانا؛

قىزعىلت سارى ءتۇستى ءتۇتىندى جەرۇستى سيگنالدىق پاترون – 2000 دانا؛

26 مم سارى ءتۇستى وتتى سيگنالدىق پاترون – 1000 دانا؛

"ۆوستوك-سپ" ەستۋ-قابىلداۋ بەكەتى – 4 بىرلىك؛

"گالاكتيكا" رپق – 6 بىرلىك؛

"كالينا 12ح80" انتەننالىق كوممۋتاتورى.

ايتا كەتسەك،  الۋشى ەكى ەلدىڭ  بۇل جابدىقتى ءۇشىنشى تۇلعالارعا بەرە المايتىنى، ساتا المايتىنى قۇجاتتاردا ايقىن كورسەتىلگەن. قوس قۇجات 6 اقپاندا تالقىلاۋعا شىعارىلدى جانە ول 20 اقپانعا دەيىن جالعاسادى.