جانسەيىت تۇيمەبايەۆ قازاقستان حالقى اسسامبلەياسى ءتوراعاسىنىڭ ورىنباسارى لاۋازىمىنان بوساتىلدى، دەپ حابارلادى اقوردا سايتى.
"مەملەكەت باسشىسىنىڭ وكىمىمەن جانسەيىت قانسەيىت ۇلى تۇيمەبايەۆ قازاقستان حالقى اسسامبلەياسى ءتوراعاسىنىڭ ورىنباسارى، قازاقستان رەسپۋبليكاسى پرەزيدەنتى اكىمشىلىگىنىڭ قازاقستان حالقى اسسامبلەياسى حاتشىلىعىنىڭ مەڭگەرۋشىسى لاۋازىمىنان بوساتىلدى" دەلىنگەن رەسمي سايتتىڭ حابارلاماسىندا.
بۇعان دەيىن، پرەمەر-مينيستردىڭ ورىنباسارى ەرالى توعجانوۆ ءتوراعالىق وتكەن رەسپۋبليكالىق كوميسسيا ديرەكتورلار كەڭەسى ۇسىنعان كانديداتتارمەن اڭگىمەلەسۋ وتكىزگەن. "ءال-فارابي اتىنداعى قازاق ۇلتتىق ۋنيۆەرسيتەتى" كوممەرسيالىق ەمەس اكسيونەرلىك قوعامىنىڭ باسقارما ءتوراعاسى – رەكتورى لاۋازىمىنا جانسەيىت قانسەيىت ۇلى تۇيمەبايەۆتى تاڭداعان بولاتىن.
پىكىر قالدىرۋ