دەنساۋلىق ساقتاۋ ءمينيسترى الەكسەي سوي نەلىكتەن ءوزى ءالى كۇنگە "سپۋتنيك V" ۆاكسيناسىن سالدىرماعانىن ءتۇسىندىردى.
– قازاقستاندا ەگۋگە رۇقسات ەتىلگەن بارلىق ۆاكسينا تەكسەرىلدى جانە ولار ءقاۋىپسىز. ءقازىر رەسەيلىك "سپۋتنيك V" ۆاكسيناسىن مينيسترلىكتەگى، وڭىرلىك دەنساۋلىق ساقتاۋ باسقارماسىنداعى ارىپتەستەرىمىز سالدىردى. بۇل ۆاكسينا ءتيىمدى ءارى ءقاۋىپسىز. ال قازاقستاندىق QazCovid-in ۆاكسيناسى ءالى ازىرلەنىپ جاتىر. ونىڭ تەحنولوگياسى باسقاشا. ءقازىر كلينيكالىق سىناقتىڭ ءۇشىنشى كەزەڭى ءجۇرىپ جاتىر. مەن دەنساۋلىق ساقتاۋ ءمينيسترى رەتىندە وتاندىق ۆاكسينانى سالدىرۋدى ءجون كوردىم، – دەدى مينيستر.
سونىمەن قاتار الەكسەي سوي حالىققا جاپپاي ەكپە سالدىرۋ عاسىرلار بويى ادامزاتتى شەشەك، وبا سياقتى قىرىلىپ قالۋعا اپاراتىن قورقىنىشتى اۋرۋلاردان قورعاپ كەلگەنىن ايتتى.
پىكىر قالدىرۋ