دەنساۋلىق ساقتاۋ ءمينيسترى الەكسەي سوي قانشا مەديسينا قىزمەتكەرىنىڭ "سپۋتنيك V" ۆاكسيناسىن سالدىرعانىن مالىمدەدى.

– قازاقستاندا 13 301 مەديسينا قىزمەتكەرى "سپۋتنيك V" ۆاكسيناسىن سالدىردى. ۆاكسيناسيا بارلىق وڭىردە ءجۇرىپ جاتىر، بۇگىندە وسى ماقساتتا 778 ەگۋ پۋنكتى اشىلدى، ولاردىڭ 166-ى ەندى ىسكە قوسىلدى، تۇگەل دەرلىك توڭازىتقىشپەن قامتاماسىز ەتىلگەن. 9 مىڭنان استام مەديسينا قىزمەتكەرى وسى سالاعا ارنايى وقىتىلدى، – دەپ ايتتى مينيستر.

الەكسەي سوي مامان رەتىندە ۆاكسيناسيانىڭ 400 جىلدان استام ۋاقىت بويى ادامزاتتى شەشەك، وبا سياقتى سوڭى ولىمگە اپارىپ سوقتىراتىن ءقاۋىپتى اۋرۋلاردان قورعاپ كەلگەنىن تىلگە تيەك ەتتى.

– سوڭعى 30 جىلدا ەپيدەميالىق پاروتيتپەن سىرقاتتانۋشىلار سانى 870 ەسەدەن كوپ تومەندەگەن. حالىق اراسىندا "ۆ" ۆيرۋستىق گەپاتيتىمەن سىرقاتتانۋدىڭ 150 ەسەگە، كوكجوتەلمەن سىرقاتتانۋدىڭ 7،3 ەسەگە تومەندەگەنى بايقالدى. بىرتىندەپ وسى ەكپەنىڭ ارقاسىدا پوليوميەليت، ديفتەريا، سىرەسپە، قىزامىق سياقتى ينفەكسيالار دا ۇمىتىلادى، – دەدى سوي.