رەسەيلىك روساتوم كومپانياسى قاۋىپسىزدىك مەن ەكولوگيالىق تازالىققا كەپىلدىك بەرە وتىرىپ، قازاقستاندا اتوم ەلەكتر ستانسياسىن سالۋ جوباسىن قولعا الۋعا دايىن. بۇل تۋرالى رەسەيدىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكين "كومسومولسكايا پراۆدا ۆ كازاحستانە" باسىلىمىنا بەرگەن سۇحباتتا ايتتى.
قازاقستان دا الەمدەگى وزگە مەملەكەتتەر سياقتى تازا ەنەرگەتيكاعا مۇقتاج. اتوم ەلەكتر ستانسيالارى – بۇل سالاداعى ءتيىمدى شەشىمدەردىڭ ءبىرى. ەلەكتر ەنەرگياسىنىڭ ىقتيمالدى تاپشىلىعىن ەسكەرە وتىرىپ، اەس سالۋ قازاقستان ءۇشىن اسا وزەكتى تاقىرىپقا اينال بارادى. روساتوم ستانسيانىڭ قاۋىپسىزدىگى مەن ونىڭ ەكولوگيالىق تازالىعىنا كەپىلدىك بەرە وتىرىپ، وسى جوبانى قولعا الۋعا دايىن. رەسەيلىك بەيبىت اتومعا قاتىستى بۇرمالانعان باسپاسوزدەگى فوبيا شىندىققا ساي كەلمەيتىنىن ەرەكشە اتاپ وتىكم كەلەدى. رەسەيلىك اتوم ەلەكتر ستانسيالارىندا قولدانىلاتىن ەڭ زاماناۋي تەحنولوگيالار قۇرىلىس كەزىندە دە، وسى نىسانداردى پايدالانۋ كەزىندە دە ريسك بولماۋىن قامتاماسىز ەتەدى. تازا ەلەكتر ەنەرگياسىنان باسقا، اەس جوباسى قازاقستاندىق ەكونوميكانىڭ كوپتەگەن سالالارىنا سەرپىن بەرىپ، بىلىكتى جۇمىس ورىندارىن قۇرىپ، يادرولىق فيزيكا سالاسىنداعى جوعارى ءبىلىم ساپاسىن ارتتىرادى.
الەكسەي بوروداۆكين سونداي-اق سۇحبات بارىسىندا "قازاقستاندىقتار ورىس ءتىلىن مەڭگەرۋ دەڭگەيىن نىعايتۋعا كۇش سالىپ، وعان بالالارىن تەرەڭدەتىپ ۇيرەتكەنى ءجون" دەپ مالىمدەگەن.
پىكىر قالدىرۋ