رەسەيدىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكين "كومسومولسكايا پراۆدا ۆ كازاحستانە" باسىلىمىنا بەرگەن سۇحباتىندا قازاقستانداعى ءتىل ماسەلەسى تۋرالى ويىن ورتاعا سالدى
ۇلتتىق بىرەگەيلىك تۇرعىسىنان قازاقستاندا ۇلتىنا قاراماستان قازاقشا سويلەۋ قاجەتتىگى انىق ەكەنىن ايتقان ول سونىمەن قاتار ەل كونستيتۋسياسىندا مەملەكەتتىك مەكەمەلەر مەن جەرگىلىكتى ءوزىن-وزى باسقارۋ ورگاندارىندا ورىس ءتىلى قازاق تىلىمەن رەسمي تۇردە قاتار قولدانىلاتىنى جازىلعانىن دا ەسكە سالدى.
– كەز كەلگەن قازاقستاندىق ءۇشىن ورىس ءتىلىن ءبىلۋ – ارتىقشىلىق بەرەدى. سوندىقتان بۇل يگىلىكتەن باس تارتۋ اقىلعا سىيمايتىن نارسە بولار ەدى. سونىمەن قاتار ەۋرازياداعى ينتەگراسيالىق پروسەستەر مەملەكەتارالىق قارىم-قاتىناس ءتىلى رەتىندە ورىس ءتىلىنىڭ پوزيسياسىن نىعايتۋدى كوزدەيدى. قازاقستاندىقتار تمد كەڭىستىگىندەگى باسقا ادامدارعا قاراعاندا ورىس ءتىلىن جاقسى مەڭگەرگەن. دۇرىس سويلەيدى، ساۋاتتى جازادى. قازاقستاندىقتار مۇنداي ارتىقشىلىقتان باس تارتپاۋى كەرەك دەپ ويلايمىن. كەرىسىنشە، ورىس ءتىلىن مەڭگەرۋ دەڭگەيىن نىعايتۋعا كۇش سالىپ، وعان بالالارىن تەرەڭدەتىپ ۇيرەتكەنى ءجون.
وكىنىشكە قاراي، بۇرىنعى وداقتىڭ بۇكىل كەڭىستىگىندە، ونىڭ ىشىندە رەسەي مەن قازاقستاندا ورىس ءتىلىن ءبىلۋ دەڭگەيى تومەندەدى. ءبىراق ءبىز وقىتۋشىلاردى جىبەرىپ، ورتا مەكتەپتەر ءۇشىن مۇعالىمدەردى كوبىرەك دايارلاۋ ارقىلى، وقۋ-ادىستەمەلىك ماتەريالداردى شىعارا وتىرىپ جاعدايدى تۇزەۋگە تىرىسامىز. قازاقستاندا ورىس تىلىندە وقىتاتىن رەسەي فيزيكا-ماتەماتيكا مەكتەبىن اشۋ ماسەلەسى پىسىقتالۋدا. رەسەيلىك جوعارى وقۋ ورىندارىنىڭ قازاقستانداعى فيليالدارى تۋرالى جانە قازاقستاندىق جوعارى وقۋ ورىندارىنىڭ رەسەيدەگى فيليالدارى تۋرالى كەلىسىمدەر جاسالىپ جاتىر، – دەدى ەلدى.
ونىڭ ايتۋىنشا، قازاقستاندىق جاستار رەسەي جوو-نا وقۋعا بارىپ جاتقاندىقتان ورىس ءتىلىنسىز قيىن بولادى.
– بۇگىندە بىزدە 74 مىڭعا جۋىق قازاقستاندىق ستۋدەنت ءبىلىم الۋدا! قازاقستان جوعارى ءبىلىمدى ماماندار ۇستاحاناسىن جوعالتقىسى كەلمەيدى دەپ ويلايمىن، – دەپ اتاپ ءوتتى الەكسەي بوروداۆكين.
پىكىر قالدىرۋ