اقش پرەزيدەنتى دجو بايدەن جۇڭگو ءتوراعاسى سي سزينپينمەن تەلەفون ارقىلى سويلەسىپ، شىڭجاڭداعى ەتنيكالىق قازاقتار مەن ۇيعىرلار ماسەلەسىن كوتەردى. بۇل بايدەننىڭ قىزمەتكە كىرىسكەننەن كەيىنگى جۇڭگو باسشىسىنا سوققان العاشقى قوڭىراۋى.
اق ءۇي جاريالاعان اقپاراتقا سايكەس، بايدەن "ماجبۇرلەيتىن جانە ادىلەتسىز ەكونوميكالىق تاجىريبەلەر"، "گونكونگتەگى رەپرەسسيا" جانە قازاقتار مەن ۇيعىرلار ءومىر سۇرەتىن "شىڭجاڭداعى ادام قۇقىعىنىڭ بۇزىلۋى" ماسەلەسىن كوتەرگەن.
"سونداي-اق، اڭگىمەلەسۋ بارىسىندا ەكى ەل باسشىسى COVID-19 پاندەمياسىنا قارسى قالاي كۇرەسۋ كەرەكتىگىن تالقىلادى" دەپ جاريالادى اق ءۇي. سونىمەن قاتار، بايدەن سي سزينپينگە كليماتتىڭ وزگەرۋىنە قارسى كۇرەسۋ جانە يادرولىق قارۋدىڭ تارالۋىنا جول بەرمەۋ ءۇشىن بىرگە جۇمىس جاساعىسى كەلەتىنىن بىلدىرگەن.
بۇرىنعى پرەزيدەنت دونالد ترامپ قىتايعا كەدەن سالىعىن ەنگىزگەن. بايدەن اكىمشىلىگىنىڭ جوعارى لاۋازىمدى ادامى NBC News-كە قازىرگى ۋاقىتتا كەدەندىك باج سالىعىن تاعى دا كوتەرۋ جوسپارى جوق ەكەنىن ايتتى، ءبىراق "قىتايعا قاتىستى ساۋدا ساياساتىندا وزگەرىستەر بولادى" دەپ مالىمدەدى.
پىكىر قالدىرۋ