پرەزيدەنت قاسىم-جومارت توقايەۆ قازاقستاننىڭ ءتورت ەلشىسىن قىزمەتىنەن بوساتتى. بۇل تۋرالى اقوردا سايتى حابارلادى.
رەسمي سايت جاريالاعان جارلىققا سايكەس:
بولات ءباري ۇلى يمانبايەۆ قازاقستان رەسپۋبليكاسىنىڭ مالايزياداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ برۋنەي-دارۋسسالامداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى. ءقازىر قازاقستان رەسپۋبليكاسىنىڭ ارمەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.
سەرگەي نۇرتاي ۇلى نۇرتايەۆ قازاقستان رەسپۋبليكاسىنىڭ يتاليا رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ مالتا رەسپۋبليكاسىنداعى، سان-مارينو رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى. ءقازىر قازاقستان رەسپۋبليكاسىنىڭ شۆەسيا كورولدىگىندەگى توتەنشە جانە وكىلەتتى ەلشىسى قىزمەتىنە تاعايىندالدى.
تيمۋر بەيبىتالى ۇلى ورازايەۆ قازاقستان رەسپۋبليكاسىنىڭ ارمەنيا رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن بوساتىلدى؛
قايرات اسانياز ۇلى سارجانوۆ قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنەن جانە قازاقستان رەسپۋبليكاسىنىڭ ارگەنتينا رەسپۋبليكاسىنداعى، چيلي رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋدان بوساتىلدى.
بولات تۇرار ۇلى ءنۇسىپوۆ قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى قىزمەتىنە تاعايىندالدى.
پىكىر قالدىرۋ