دەنساۋلىق ساقتاۋ مينيسترلىگى ءبىر تاۋلىكتە 951 ادامنان كوروناۆيرۋس انىقتالىپ، 4 ادام قايتىس بولعانىن حابارلادى. سونداي-اق 12 اقپاندا كەلتىرىلگەن دەرەكتە 82 ادام پنيەۆمونياعا شالدىعىپ، 1 ناۋقاس كوز جۇمعانى ايتىلادى.

مينيسترلىك تاراتقان مالىمەت بويىنشا، 24 847 ادام كورونوۆيرۋس ينفەكسياسىنان (15 440 ناۋقاس كوروناۆيرۋس، 9 407 پاسيەنت كوروناۆيرۋس پنيەۆمونياسى) ەمدەلۋدە، ولاردىڭ ىشىندە 5 372 پاسيەنت ستاسيوناردا، 19 475 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققانداردىڭ اراسىندا 255 ادامنىڭ جاعدايى اۋىر، 53 پاسيەنتتىڭ جاعدايى وتە اۋىر، 44 ناۋقاس وكپەنى جاساندى جەلدەتۋ اپپاراتىندا جاتىر.

كوروناۆيرۋسپەن تىركەلگەن ناۋقاستاردىڭ جالپى سانى ۆيرۋس العاش انىقتالعان 2020 جىلعى 13 ناۋرىزدان بەرى بۇگىنگى كۇنگە دەيىن 200 مىڭ 44 ادامعا جەتتى. ونىڭ ىشىندە 2630 ادام قايتىس بولعان.

2020 جىلعى 1 تامىزدان باستاپ جۇرگىزىلىپ كەلە جاتقان پنيەۆمونيا ستاتيستيكاسىنا ساي 48 522 ادام پنيەۆمونيا جۇقتىرعان. ونىڭ ىشىندە 592 ادام ولگەن.