نۇر-سۇلتان قالاسىنىڭ اكىمى التاي كولگىنوۆ ءوزىنىڭ ورىنباسارى باقتيار ماكەننىڭ وتستاۆكاسىن قابىلداماي، وعان قاتاڭ سوگىس جاريالادى، دەپ حابارلادى قالا اكىمدىگىنىڭ باسپا ءسوز قىزمەتى.
اكىم ورىنباسارى "ق ر مەملەكەتتىك قىزمەتى تۋرالى" زاڭعا سايكەس قولاستىنداعى قىزمەتكەر – مادەنيەت باسقارماسىنىڭ جەمقورلىعى ءۇشىن وتستاۆكاعا كەتۋگە ءوتىنىش بەرگەن.
الايدا باقتيار ماكەن جەتەكشىلىك ەتەتىن ءبىلىم بەرۋ، ءدىن، جاستار ساياساتى، حالىقتىڭ الەۋمەتتىك وسال توپتارىمەن جۇمىس جانە تاعى دا باسقا الەۋمەتتىك ماڭىزدى سالالاردا جۇرگىزىلىپ جاتقان جۇمىستاردىڭ جوعارى تيىمدىلىگى مەن ناتيجەلىلىگى، سونداي-اق قىلمىستىق ىسكە قاتىسپاۋى ەسكەرىلىپ، باقتيار ماكەننىڭ وتستاۆكاسى قابىلدانباعانى حابارلاندى. تەك قاتاڭ سوگىس جاريالانعان.
باقتيار ماكەن 2016 جىلى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولعان. وعان دەيىن باتىس قازاقستان وبلىسى اكىمىنىڭ ورىنباسارى قىزمەتىن اتقارعان. 2019 جىلدىڭ 10 شىلدەسىندە نۇر-سۇلتان قالاسى اكىمىنىڭ ورىنباسارى قىزمەتىنە كىرىسكەن.
پىكىر قالدىرۋ