كەشە نۇر-سۇلتان قالاسىنىڭ اكىمى التاي كولگىنوۆ تۇرعىندارمەن ونلاين رەجيمىندەگى ەسەپتىك كەزدەسۋدە استانادا تۇرىپ جاتقان يسپانيا ازاماتىنىڭ اعىلشىن تىلىندە قويعان ساۋالىنا اعىلشىنشا جاۋاپ بەرگەن.
ديەگو امادو دەگەن شەتەل ازاماتى اكىمگە مادريدتە ادامدار سەرۋەندەپ، ۆەلوسيپەدپەن ءجۇرۋ ءۇشىن دەمالىس جانە مەرەكە كۇندەرى قالا ورتالىعى جابىلاتىنىن ايتىپ، وسى تاجىريبەنى قاراستىرۋدى ۇسىنعان.
پوسموترەت ەتۋ پۋبليكاسيۋ ۆ Instagram
اكىم شەتەل ازاماتىنا قالانىڭ دامۋ جوسپارىندا جاياۋ جۇرگىنشىلەرگە كوبىرەك مۇمكىندىك جاساۋ قاراستىرىلعانىن ايتىپ، ديەگو امادونى جوبالارعا قاتىسۋعا شاقىرعان.
الەۋمەتتىك جەلىدە قالا اكىمىنىڭ اعىلشىنشا جاۋابى ءبىراز تالقىلانعان. ءبىرى ونىڭ شەت تىلدە سويلەگەنىنە ريزا بولسا، كەلەسىلەر مۇنى پيار دەپ جاتتى.
ال بۇگىن Qumash تەلەگرام-كانالى اكىمگە سۇراق قويعان ديەگو امادو تۋرالى ءبىرقاتار دەرەكتەر جاريالادى.
"ديەگو امادو استانادا 4 جىلدان بەرى تۇرىپ جاتىر. وڭدەۋ زاۋىتىندا ديرەكتور بولىپ قىزمەت ەتەدى. ارا-تۇرا اكتەر بولىپ ءناپاقا تاباتىنى دا بار" دەپ جازعان اقپارات رەسۋرسى ديەگو امادونىڭ قاتىسۋىمەن تۇسىرىلگەن ەكى بەينەروليك جاريالادى.
بىرىندە شەتەل ازاماتى بارمەن ءرولىن سومداسا، ەكىنشىسىندە ورىس تىلىندە ءوزى تۋرالى ايتىپ بەرگەن.
بۇعان دەيىن، "ۆرەميا" گازەتىنىڭ ءجۋرناليسى ميحايل كوزاچكوۆ التاي كولگىنوۆ كومانداسىنداعى ادامدارى ارقىلى جەكە پيارمەن اينالىسىپ وتىرعانى تۋرالى حابارلاعان. پيار سحەماسىنىڭ ءبىر ۇشى كولگىنوۆتىڭ بۇرىنعى باسپا ءسوز حاتشىسى، كەڭەسشىسى، Elorda Aqparat ج ش س باسشىسى بولعان جارقىن تۇسىپبەك ۇلى ءجۇمادىلوۆقا قاتىسى بارى انىقتالىپ، ول ءوز ەركىمەن قىزمەتىنەن كەتكەن.
پىكىر قالدىرۋ