بۇگىن نۇر-سۇلتان قالاسىندا جوعارى سوت سۋدياسى مەيرام جانعۇتتينوۆ ءىرى كولەمدەگى اقشا الۋ كەزىندە ۇستالدى. بۇل تۋرالى ۆەدومستۆونىڭ باسپا ءسوز قىزمەتى حابارلادى.
ۆەدومستۆو مالىمەتىنشە، سىبايلاس جەمقورلىققا قارسى ءىس-قيمىل اگەنتتىك پەن جوعارى سوتتىڭ ىشكى قاۋىپسىزدىك قىزمەتى بەلگىلى ءبىر ۋاقىت ىشىندە بىرلەسكەن ءىس-شارالار جۇرگىزگەن. ناتيجەسىندە، 11 اقپاندا نۇر-سۇلتان قالاسىندا قوماقتى پارا الۋ كەزىندە جوعارعى سوت سۋدياسى ۇستالدى.
"قاراجات ونىڭ جوعارى سوت كەڭەسىندە جۇمىس ىستەگەن كەزىندە تۇركىستان وبلىسى اۋداندىق سوتىنىڭ سۋدياسىن باسقا سوتقا اۋىستىرۋعا جاردەم كورسەتكەنى ءۇشىن بەرىلگەن. وسى ۋاقىتتا تۇركىستان قالاسىندا اقشانى بەرىپ جىبەرگەن اۋداندىق سوتتىڭ سۋدياسى ۇستالدى"، دەلىنگەن حابارلامادا.
باسپا ءسوز قىزمەتىنىڭ حابارلاۋىنشا، تەرگەۋ امالدارىنىڭ جۇرگىزىلۋىنە بايلانىستى بۇدان باسقا اقپارات جاريالانبايدى.
پىكىر قالدىرۋ