شىمكەنتتەگى "ورداباسى" يندۋستريالدىق زوناسىنداعى سەحتە 3 ەر ادام ءۇيىندى استىندا قالىپ، قازا تاپتى، دەپ حابارلادى vera.kz سايتى.
توتەنشە وقيعا قاپال باتىر تاسجولى بويىنداعى 5 قاباتتى عيماراتتا تەمىر-بەتون پليتالارىنىڭ قۇلاۋىنان بولعان. ءۇيىندى كولەمى 625 شارشى مەتر.
قۇتقارۋشىلار ءۇيىندى استىنان 1967، 1992، 1992 جىلى تۋعان 3 ەر ادامنىڭ دەنەسىن تاپقان. قولدا بار دەرەككە ساي، ولاردىڭ ءبىرى كۇزەتشى بولىپ ىستەسە، قالعان ەكەۋى سەحتەگى مەتالل كونسترۋكسيانى بۇزىپ جاتقان.
توتەنشە وقيعاعا شىمكەنت قالاسى توتەنشە جاعدايلار دەپارتامەنتىنىڭ 18 قىزمەتكەرى، 1 كينولوگى، اپات مەديسينا ورتالىعى فيليالىنىڭ 1 بريگاداسى جۇمىلدىرىلعان.
پىكىر قالدىرۋ