الماتىدا 14 اقپاندا "Domillion" ساۋدا ۇيىنەن ءورت شىقتى. بۇل تۋرالى قالالىق توتەنشە جاعدايلار دەپارتامەنتى مالىمدەدى.
دەپارتامەنت وكىلدەرىنىڭ حابارلاۋىنشا، ءورت تاڭعى ساعات 8:56-دا شىققان. ساۋدا ءۇيىنىڭ ورتەنىپ جاتقانى تۋرالى حابارلامانى الا سالىسىمەن ارنايى جاساق وقيعا ورنىنا بارعان.
"ساعات 09:30-دا عيمارات قويۋ تۇتىنگە وراندى. تەكسەرىس بارىسىندا گاز، تۇتىننەن قورعاۋ قىزمەتى جيھاز ساتاتىن قويمانىڭ جانعانىن انىقتادى.
ساعات 09:46-دا ءورت ءسوندىرىلدى. ساۋدا ورتالىعىندا ءورت ءسوندىرۋشى جانە تۇتىننەن تازارتاتىن جۇيە ىسكە قوسىلىپ، ءورتتىڭ تارالۋىنا جول بەرمەدى" دەدى ۆەدومستۆو وكىلدەرى.
ءورت بولعان جەرگە 24 تەحنيكا، جەكە قۇرامنان جانە قالانىڭ ءوزارا ءىس-قيمىل قىزمەتىنەن 79 ادام جۇمىلدىرىلدى.
زارداپ شەككەندەر مەن قايتىس بولعاندار جوق.
پىكىر قالدىرۋ