Tesla كومپانياسىنىڭ باس ديرەكتورى يلون ماسك رەسەي پرەزيدەنتى ۆلاديمير ءپۋتيندى Clubhouse اۋديو-چات قوسىمشاسىندا اڭگىمەلەسۋگە شاقىردى. ماسك ءوزىنىڭ سۇيىكتى الەۋمەتتىك جەلىسى Twitter-دە رەسەي پرەزيدەنتىن بەلگىلەپ، سۇحباتتاسۋ ءۇشىن Clubhouse-قا قوسىلۋعا قالاي قارايتىنىن سۇرادى.
"سىزبەن سويلەسۋ ۇلكەن مارتەبە بولار ەدى" دەپ ورىس تىلىندە جازدى ماسك.
ماسك سوڭعى ەكى اپتادا Clubhouse-تى بەلسەندى قولدانىپ كەلەدى. وندا تانىمال ادامدارمەن سۇحباتتاسۋ بولادى.
ماسك العاش رەت Clubhouse-تا ءوزىنىڭ بيتكوينگە دەگەن قىزىعۋشىلىعى تۋرالى ايتىپ، كەيىنىرەك بۇل ويىن تۆيتتەردە جاريالادى. سودان كەيىن كريپتوۆاليۋتانىڭ نارىقتىق قۇنى ءوستى.
ماسك Clubhouse قوسىمشاسىن جاڭادان ىسكە قوسۋ كەزىندە سۇحبات بەردى. وندا ميللياردەردىڭ ءارتۇرلى تاقىرىپتار تۋرالى پىكىرىن تىڭداۋ ءۇشىن شامامەن 5000 ادام جينالدى. ماسك مارستا قالا سالۋ جوسپارىنان باستاپ، Dogecoin كريپتوۆايۋتاسى بولاشاق الەمدىك ۆاليۋتاعا اينالۋى مۇمكىندىگى تۋرالى جانە قور نارىعى جايىندا كوپتەگەن نارسەلەر ايتتى.
Clubhouseء-تى كاسىپكەر، Googleء-دىڭ بۇرىنعى ينجەنەرى پول ديەۆيسو جاساعان. قازىرگى ۋاقىتتا قوسىمشا بەتا-نۇسقاسىندا جانە ونى Apple App Store ارقىلى جۇكتەۋگە بولادى. دەگەنمەن، قازىرشە Clubhouse قوسىمشاسى Android قولدانۋشىلارى ءۇشىن قول جەتىمدى ەمەس. باعدارلاماعا رەپەر درەيك، اكتەر دجارەد لەتو، Twitter باس ديرەكتورى دجەك دورسي، وپرا سياقتى تانىمال ادامدار قوسىلىپ ۇلگەرگەن.
پىكىر قالدىرۋ