"كۇندەلىك" جۇيەسىن بۇزۋ تۋرالى اقپارات شىندىققا جاناسپايدى. بۇل تۋرالى ءبىلىم جانە عىلىم مينيسترلىگىنىڭ باسپا ءسوز قىزمەتى حابارلادى.
– "كۇندەلىك" ەلەكتروندىق جۇيەسى "ۇلتتىق اقپاراتتىق تەحنولوگيالار" اق سەرۆەرلىك ورتالىعىنىڭ بازاسىندا ورنالاسقان ءارى سىرتقى شابۋىلداردان قورعالعان، – دەدى "كۇندەلىك" ج ش س ديرەكتورى مۇحتار ءىلياسوۆ.
ونىڭ ايتۋىنشا، جۇيەنى ۇلتتىق قاۋىپسىزدىك كوميتەتىنىڭ "مەملەكەتتىك تەحنيكالىق قىزمەت" اق تۇراقتى باقىلاپ وتىرادى. كەز كەلگەن سىرتقى شابۋىلدى ق ر ۇقك قاداعالايدى.
سونداي-اق ول "كۇندەلىك" جۇيەسىن بۇزۋ تۋرالى اقپارات شىندىققا جاناسپايتىنىن ايتتى. ياعني، ەشقانداي شابۋىل بولماعان، پايدالانۋشىلاردىڭ دەرەكتەرىن قورعاۋ تولىقتاي قامتاماسىز ەتىلگەن.
– ەلەكتروندىق جۇيەدە دەرەكتەرمەن جۇمىس ىستەۋ كەزىندە جەكە اقپاراتتىق قاۋىپسىزدىك ەرەجەلەرىن ساقتاۋ قاجەت. لوگين مەن ءقۇپياسوزدى بوگدە ادامدارعا بەرۋگە نەمەسە اشىق تۇردە قالدىرۋعا بولمايدى. مۇنداي جاعدايلاردا اككاۋنتتار بۇعاتتالىپ، كەلەڭسىز جاعدايلارعا اكەپ سوقتىرۋى مۇمكىن. ماسەلەن، بۇگىن قاسكۇنەم اككاۋنتىن اشىق قالدىرعان پايدالانۋشىنىڭ اتىنان جۇيەگە كىرىپ، ادەپسىز حابارلامالار قالدىردى. تەحنيكالىق قولداۋ قىزمەتى بۇل حابارلامالاردى ءوشىرىپ، ءپروفيلدى بۇعاتتادى، – دەپ جاۋاپ بەردى مۇحتار ءىلياسوۆ.
پىكىر قالدىرۋ