بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن وتكەن جالپى وتىرىستا سوت جۇيەلەرى مەن سۋديالاردىڭ مارتەبەسىنە قاتىستى ءبىرقاتار زاڭ جوبالارى ماقۇلداندى.
ولار دەپۋتاتتاردىڭ باستاماسىمەن ازىرلەندى. بۇل زاڭ جوبالارى اكىمشىلىك راسىمدىك-پروسەستىك كودەكستى قابىلداۋ جانە ونى اعىمداعى جىلعى 1 شىلدەدەن باستاپ قولدانىسقا ەنگىزۋ سوت جۇيەسىنىڭ جۇمىسىنا تۇزەتۋلەر ەنگىزۋدى تالاپ ەتتى.
ءماجىلىس ءتوراعاسى نۇرلان نىعماتۋلين اتالعان زاڭ جوبالارى سوت جۇيەسىن جاڭعىرتۋدىڭ جالعاسى ەكەنىن العا تارتا كەلىپ:
- جاقىندا عانا مەملەكەت باسشىسى قاسىم-جومارت كەمەل ۇلى توقايەۆ سوت جۇمىسىنىڭ اشىق، ءادىل جانە زامان تالابىنا ساي بولۋىنا ەرەكشە
نازار اۋداردى. سوندىقتان، بۇگىنگى قۇجاتتاردا وسى تالاپتاردى زاڭ جاعىنان
قامتاماسىز ەتۋگە ارنالعان ماڭىزدى نورمالار قابىلداندى. ەندى وسى نورمالار سوت سالاسىنا بىلىكتى، كاسىبي، تاجىريبەلى، جاڭا مامانداردى تارتۋعا، سوت پروسەسىنە جوعارى تەحنولوگيالىق مۇمكىندىكتەردى ەنگىزۋگە جول اشاتىن بولادى، - دەدى.
سونداي-اق، پالاتا ءتوراعاسى سوت جۇيەسىندەگى رەفورمالاردى زاڭ جاعىنان قامتاماسىز ەتۋ جۇمىستارىن ودان ءارى جالعاستىراتىن اتاپ ءوتتى.
پىكىر قالدىرۋ