قازاق تەليەۆيزياسىنىڭ ارداگەرى نۇرتىلەۋ يمانعالي ۇلى قايتىس بولدى. بۇل تۋرالى Qazaqstan ۇلتتىق تەلەارناسىنىڭ باسپا ءسوز قىزمەتى حابارلادى.

"بۇگىن تاڭەرتەڭ 70 جاسقا قاراعان شاعىندا قازاق تەليەۆيزياسىندا 45 جىل قىزمەت اتقارعان جۋرناليستيكا ارداگەرى نۇرتىلەۋ يمانعالي ۇلى ومىردەن ءوتتى.

نۇرتىلەۋ يمانعالي ۇلى "قۇرداستار"، "جاستار داۋىسى"، "اراي"، "جادىڭدا ما، جولداس"، "اينا"، "جاس جىگەر"،"بەتپە-بەت"، "قولتاڭبا"، "دىڭگەك"، "كورشىلەر"، "زاڭ سويلەسىن"، "Nur-Tiley" اۆتورلىق باعدارلامالارى ارقىلى قالىڭ كورەرمەن ەسىندە قالدى" دەلىنگەن حابارلامادا.

نۇرتىلەۋ يمانعالي ۇلى 2006-2007 جىلدارى – "قازاقستان» رەسپۋبليكالىق تەلەراديوكورپوراسياسى" اكسيونەرلىك قوعامىنىڭ باسقارما ءتوراعاسى، ودان كەيىنگى جىلدارى "قازاقستان رترك" اق باسقارما ءتوراعاسىنىڭ كەڭەسشىسى قىزمەتتەرىن اتقاردى.