الماتى قالانىڭ اكىمى باقىتجان ساعىنتايەۆ قورشاعان ورتاعا تەحنوگەندى جۇكتەمەنى ازايتۋ جۇمىستارىنا بايلانىستى جوسپار تۋرالى ايتتى.
"قوعامدىق جانە كوممۋنالدىق اۆتوپاركتەردى ەكولوگيالىق تازا وتىنعا اۋىستىرۋ جۇمىسىمەن قاتار ترانزيتتىك جۇك كولىكتەرىنىڭ قوزعالىسىن شەكتەۋ مۇمكىندىگىن دە زەردەلەيمىز. جۇرگىزىلگەن مونيتورينگ بويىنشا قالاعا تاۋلىگىنە 17 مىڭنان استام جۇك كولىگى كىرەتىنىن كورسەتتى. بۇل ماسەلەنى جان-جاقتى زەردەلەۋ ءۇشىن پوليسيا دەپارتامەنتى مەن جاسىل ەكونوميكا باسقارماسىنىڭ قىزمەتكەرلەرى، ساراپشىلار قاۋىمداستىعى، سونداي-اق كولىك پەن كوممۋنيكاسيا عزي ماماندارى تارتىلدى. قازىرگى ۋاقىتتا لاستاۋشى قالدىقتىڭ كولەمى، مارشرۋتتى ازىرلەۋ مەن وتكىزۋ قابىلەتىن ەسەپتەۋ بويىنشا زەرتتەۋ جۇرگىزىلۋدە. ناتيجەسىندە مەگاپوليستىڭ ەكولوگياسى جاقسارادى" دەلىنگەن اكىمنىڭ facebook-تەگى جازباسىندا.
پىكىر قالدىرۋ