پرەزيدەنت قاسىم-جومارت توقايەۆ وزبەكستاننىڭ سىرتقى ىستەر ءمينيسترى ابدۋلازيز كاميلوۆتى قابىلدادى، دەپ حابارلادى اقوردا سايتى.
سايت مالىمەتىنشە، مەملەكەت باسشىسى نۇر-سۇلتان قالاسىنا جۇمىس ساپارىمەن كەلگەن وزبەكستاننىڭ سىرتقى ىستەر ءمينيسترى ابدۋلازيز كاميلوۆتى قابىلداعان.
"كەزدەسۋ بارىسىندا مينيستر توقايەۆقا وزبەكستان كوشباسشىسىنىڭ تاشكەنت قالاسىندا "ورتالىق ازيا جانە وڭتۇستىك ازيا: وڭىرلىك ءوزارا بايلانىستار. سىن-قاتەرلەر مەن مۇمكىندىكتەر" اتتى حالىقارالىق كونفەرەنسيا وتكىزۋ تۋرالى باستاماسىنا قولداۋ ءبىلدىرۋ تۋرالى ءوتىنىشىن جەتكىزدى.
سونىمەن قاتار قازاقستان مەن وزبەكستان اراسىنداعى بەرىك دوستىق پەن تاتۋ كورشىلىككە نەگىزدەلگەن ستراتەگيالىق سەرىكتەستىكتىڭ قازىرگى احۋالى جانە ونى ءارى قاراي نىعايتۋدىڭ پەرسپەكتيۆالارى تالقىلاندى" دەلىنگەن حابارلامادا.
قاسىم-جومارت توقايەۆ الەمدەگى كۇردەلى جاعدايعا جانە پاندەمياعا قاراماستان ەكى ەلدىڭ قارىم-قاتىناستارى جوعارى دەڭگەيدە ەكەنىن، قازىرگى سىن-قاتەرلەرگە ورنىقتى توتەپ بەرىپ وتىرعانىن ايتتى.
كەزدەسۋ سوڭىندا قاسىم-جومارت توقايەۆ شاۆكات ميرزيويەۆقا زور دەنساۋلىق جانە باق-بەرەكە تىلەگەن سالەمىن جولداپ، وزبەكستان پرەزيدەنتى ەپيدەميالىق احۋال جاقسارعاننان كەيىن قازاقستانعا ساپارمەن كەلەتىنىنە سەنىم ءبىلدىردى.
پىكىر قالدىرۋ