«Nur Otan» پارتياسى سايلاۋدان كەيىنگى ءبىر اي ۋاقىت ىشىندە ءوزىنىڭ سايلاۋالدى باعدارلاماسىنداعى 216 ماسەلەنى ىسكە اسىرۋ بويىنشا جول كارتالارىن ازىرلەدى. بيىل ەلدىڭ سولتۇستىك ءوڭىرىنىڭ تۇرعىندارى ءۇشىن نە ىستەلەتىنى تۋرالى پارتيا ورتالىق اپپاراتىنىڭ باسپا ءسوز قىزمەتى حابارلادى.
ەلباسى، پارتيا ليدەرى نۇرسۇلتان نازاربايەۆتىڭ تاپسىرماسى اياسىندا ءاربىر وڭىردە، قالا مەن اۋداندا جۇيەلى باقىلاۋدى قامتاماسىز ەتۋ ءۇشىن ناقتى نىسانالى ينديكاتورلار مەن مەرزىمدەر بەلگىلەنىپ، سونداي-اق وعان جاۋاپتى ورىنداۋشىلار ايقىندالدى.
سونىمەن، اقمولا وبلىسىندا الداعى 5 جىلدا 1948 كورسەتكىش پەن 5175 ءىس-شارانى ورىنداۋ كوزدەلگەن. 2021 جىلى «Nur Otan» پارتياسىنىڭ سايلاۋالدى باعدارلاماسى 16،4%-عا، 2022 جىلى – 38،3%-عا، 2023 جىلى – 59،9%-عا، 2024 جىلى – 80،3%-عا جانە 2025 جىلى 100%-عا ورىندالاتىن بولادى.
بيىلدىڭ وزىندە 27 مەديسينالىق نىساننىڭ 14ء-ى، 119 مەكتەپتىڭ 37ء-سى، 21 بالاباقشانىڭ 5-ەۋى، 60 سپورت نىسانىنىڭ 22ء-سى سالىنادى. 5 جىل ىشىندە 3،4 ملن شارشى مەتر تۇرعىن ءۇي سالىنىپ، 80 مىڭنان استام جۇمىس ورنى اشىلادى جانە تاعى دا باسقا ىستەر اتقارىلادى.
قوستاناي وبلىسىندا 2215 كورسەتكىش پەن 6491 ءىس-شارانى ورىنداۋ جوسپارلانعان. 2021 جىلى وڭىرلىك سايلاۋالدى باعدارلاما 20،1%-عا، 2022 جىلى – 40،1%-عا، 2023 جىلى – 60%-عا، 2024 جىلى – 79،9%-عا، ال 2025 جىلى تولىعىمەن جۇزەگە اسىرىلادى.
وسى جىلدىڭ سوڭىنا دەيىن 2803 كم اۆتوجولدىڭ 480 شاعىرىمى، 923 كم سۋمەن جابدىقتاۋ قۇبىرىنىڭ 160-ى، 207،6 كم گازبەن جابدىقتاۋدىڭ 44،4 كم سالىنىپ، رەكونسترۋكسيالانادى.
جالپى، 80 مىڭ جۇمىس ورنىن قۇرۋ، 42 جاڭا كاسىپورىن اشۋ جانە كەڭەيتۋ، 2،2 ملن شارشى مەتر تۇرعىن ءۇي سالۋ جوسپارلانعان. قوستاناي قالاسىندا 1750 ورىندىق 4 ستۋدەنتتەر جاتاقحاناسىن سالۋ، سونداي-اق، تۇرعىن ءۇي ساتىپ الۋعا نەسيە بەرۋ، كوتەرمە جاردەماقى بەرۋ جانە ت. ب. ارقىلى «ديپلوممەن اۋىلعا» باعدارلاماسى بويىنشا 1500-دەن استام بىلىكتى جاس مامانداردى الەۋمەتتىك قولداۋمەن قامتۋ جوسپارلانۋدا.
پاۆلودار وبلىسىندا جول كارتاسى اياسىندا 2691 كورسەتكىش پەن 1888 ءىس-شارانى ورىنداۋ كوزدەلگەن. 2021 جىلى پارتيانىڭ سايلاۋالدى باعدارلاماسى 16%-عا، 2022 جىلى – 34%-عا، 2023 جىلى – 58%-عا، 2024 جىلى – 73%-عا جانە 2025 جىلى 100%-عا ىسكە اسىرىلادى.
2021 جىلدىڭ وزىندە 14 000 پاتەردىڭ 2 444ء-ى، 3 مەديسينالىق نىسان، جاستارعا ارنالعان ءبىر جاتاقحانا، 5 مەكتەپتىڭ 2-ەۋى، 28 سپورت نىسانىنىڭ 5ء-ى سالىنادى.سونىمەن قاتار، ەرەكشە قاجەتتىلىكتەرى بار ادامدار ءۇشىن 364 نىساننىڭ 161ء-ى قايتا بەيىمدەلەدى.
5 جىل ىشىندە 69 مىڭ جاڭا جۇمىس ورنىمەن قامتاماسىز ەتۋ جوسپارلانۋدا. سونداي-اق، «Nur Otan» پارتياسى جەڭىلدەتىلگەن نەسيە بەرۋدى، كەلىسىمشارتتىق قارجىلاندىرۋ تەتىگىن، اۋىل شارۋاشىلىعى ونىمدەرىن قايتا وڭدەۋ بويىنشا تەحنيكا، جابدىقتار ليزينگىن كەڭەيتۋ ارقىلى ديحاندارعا بارىنشا قولداۋ كورسەتۋگە نيەتتى. ەگىس القاپتارىن كەڭەيتۋ، كوتەرمە-تاراتۋ ورتالىقتارىن سالۋ سياقتى تاعى دا باسقا ىستەر كوزدەلىپ وتىر.
سولتۇستىك قازاقستان وبلىسىندا 2078 كورسەتكىش جانە 1134 ءىس-شارا بەكىتىلدى. 2021 جىلى «Nur Otan» سايلاۋالدى باعدارلاماسى 21%-عا، 2022 جىلى – 47%-عا، 2023 جىلى – 74%-عا، 2024 جىلى – 88%-عا جانە 2025 جىلى 100%-عا ورىندالاتىن بولادى.
وسى جىلى 2،7 مىڭ كم اۆتوجولدىڭ 394 شاعىرىمى، 489،7 كم سۋمەن جابدىقتاۋدىڭ 127 شاقىرىمى، 80 كم جىلۋمەن جابدىقتاۋدىڭ 17 شاعىرىمى، 280،8 كم سۋ تارتۋدىڭ 58،7ء-سى سالىنىپ، رەكونسترۋكسيالانادى.
2025 جىلعا دەيىن 65 مىڭ جۇمىس ورنى اشىلىپ، 8،9 مىڭ پاتەر، 11 مەديسينالىق نىسان، 96 سپورت نىسانى، 2 مەكتەپ جانە جاستارعا ارنالعان 5 جاتاقحانا سالىنادى.
باسپا ءسوز قىزمەتىنىڭ مالىمەتىنشە، بۇعان دەيىن ماجىلىستەگى «Nur Otan» فراكسياسىنىڭ وتىرىسىندا پارتيانىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن جۇزەگە اسىرۋ بويىنشا رەسپۋبليكالىق جول كارتاسى بەكىتىلگەن. بارلىق سايلاۋالدى ۋادەلەرمەن nurotan.kz جانە nurotan2021.kz سايتتارىنان تانىسۋعا بولادى.
پىكىر قالدىرۋ