"قازگيدرومەت" ەلدىڭ 15 وڭىرىندە داۋىلدى ەسكەرتۋ جاريالاندى. ولاردىڭ اراسىندا نۇر-سۇلتان، شىمكەنت، قالالارى، اقمولا، اتىراۋ، الماتى، شىعىس قازاقستان، جامبىل، بقو، قاراعاندى، قوستاناي، پاۆلودار، قىزىلوردا،  ماڭعىستاۋ، سقو جانە تۇركىستان وبلىستارى بار.

قازىرگى ۋاقىتتا اۋا رايىنىڭ ناشارلاۋىنا بايلانىستى ەلدىڭ بەس وڭىرىندە نۇر-سۇلتان قالاسىنداعى، الماتى، شىعىس قازاقستان، سولتۇستىك قازاقستان، پاۆلودار وبلىستارىنداعى رەسپۋبليكالىق ماڭىزى بار اۆتوجولداردىڭ 8 ۋچاسكەسى مەن وبلىستىق ماڭىزى بار اۆتوجولداردىڭ 40 ۋچاسكەسىندە قوزعالىس جابىلعان.

"شۇعىل جۇمىستارعا توتەنشە جاعداي مينيسترلىگى مەن ىشكى ىستەر مينيسترلىگى جول قىزمەتتەرى مەن جەرگىلىكتى اتقارۋشى ورگانداردان 611 ادام جانە 321 بىرلىك تەحنيكا جۇمىلدىرىلعان. حالىقتى ەۆاكۋاسيالاۋ ءۇشىن جولداردىڭ جابىق ۋچاسكەلەرىندە 284 جىلىتۋ پۋنكتى دايىندالدى، وندا 227 ادام، ونىڭ ىشىندە 14 بالا ورنالاستىرىلدى.

تجم اۋماقتىق بولىمشەلەرى اقمولا، الماتى، اتىراۋ، قوستاناي، پاۆلودار وبلىستارىنداعى اۆتوجولداردا 77 ادامدى، ونىڭ ىشىندە 6 بالانى ەۆاكۋاسيالاعان. 20 ادامدى، ونىڭ ىشىندە 3 بالانى قۇتقارعان.