"Fly Arystan" ۇشاعى الماتىعا شۇعىل قونۋعا ءماجبۇر بولدى

/image/2021/02/19/crop-0_0_450x800_fley-arystan.jpeg

نۇر-سۇلتان-شىمكەنت باعىتىندا ۇشىپ بارا جاتقان ۇشاق شۇعىل تۇردە الماتىعا قوندى، دەپ حابارلادى الماتى ارناسى.

Fly Arystan اۋەكومپانياسىنىڭ باسپا ءسوز قىزمەتى ۇشاقتىڭ اپاتتى جاعدايدا قونۋىنا قولايسىز اۋا-رايى تۇرتكى بولعانىن حابارلاعان.

2021 جىلى 19 اقپاندا ساعات 08.55-تە نۇر-سۇلتان – شىمكەنت باعىتىنداعى №7325 ۇشاعى اۋا-رايىنا بايلانىستى الماتى حالىقارالىق اۋەجايىنا قوندى. شىمكەنتكە ۇشۋ ۋاقىتى ساعات 10:45-كە اۋىستىرىلدى، دەپ حابارلادى كومپانياداعىلار.

اۋە كومپانياسى ۇشاقتىڭ ءقاۋىپسىز جەرگە قونعانىن ايتتى. شۇعىل قونۋ جاعدايىندا جولاۋشىلاردىڭ ەشقايسىسى زارداپ شەككەن جوق، ءبىراق ولاردىڭ ايتۋىنشا، ۇشاق الماتىعا ءۇشىنشى رەت مۇمكىندىكتە عانا قونعان.

قاتىستى ماقالالار