ەلباسى نۇرسۇلتان نازاربايەۆ ش.ايمانوۆ اتىنداعى "قازاقفيلم" اكسيونەرلىك قوعامىنىڭ پرەزيدەنتى اقان ساتايەۆتى قابىلدادى، دەپ حابارلادى elbasy.kz سايتى.
سايت مالىمەتىنشە، كەزدەسۋ بارىسىندا نۇرسۇلتان نازاربايەۆ تاۋەلسىزدىك العاننان بەرى مەملەكەت ءارقاشان ونەر سالاسىن دامىتۋعا ەرەكشە كوڭىل ءبولىپ كەلە جاتقانىن اتاپ ءوتتى.
– ءسىزدىڭ كينويندۋستريادا ۇلكەن تاجىريبەڭىز جانە قوعامدا ايرىقشا ورنىڭىز بار. ءسىزدىڭ فيلمدەرىڭىز ءتۇرلى كينوفەستيۆالدەرگە قاتىسىپ ءجۇر. كورەرمەندەر ءسىزدىڭ "اناعا اپارار جول"، "توميريس" جانە باسقا دا تۋىندىلارىڭىزدى جىلى قابىلدادى. ءقازىر سىزدەرگە ۇلكەن جاۋاپكەرشىلىك جۇكتەلىپ وتىر. الداعى جۇمىسىڭىزعا تابىس تىلەيمىن، – دەدى نازاربايەۆ.
كەزدەسۋ بارىسىندا اقان ساتايەۆ نۇرسۇلتان نازاربايەۆقا كوركەم فيلمدەر شىعارۋ جونىندەگى جوسپارلار مەن وتاندىق كينو ساپاسىن ارتتىرۋ جونىندە قابىلدانعان شارالار تۋرالى اڭگىمەلەدى.
پىكىر قالدىرۋ