نۇر-سۇلتان قالاسىنىڭ باس سانيتار دارىگەرى س.س. بەيسەنوۆا كوروناۆيرۋس ينفەكسياسىن الدىن الۋ ءۇشىن ءوز قاۋلىسىنا جاڭا وزگەرىستەر مەن تولىقتىرۋلار ەنگىزدى.
باس سانيتار دارىگەردىڭ قاۋلىسىندا تومەندەگىدەي تالاپتار بار:
- بۇقارالىق ءىس-شارالاردى، سونداي-اق وتباسىلىق، ەسكە الۋ ءىس-شارالارىن، ونىڭ ىشىندە ۇيدە (بانكەتتەر، ۇيلەنۋ تويلارى، مەرەيتويلار، ەسكە الۋ جانە ت.ب.)، ميتينگىلەر، شەرۋلەر، جيىندار جانە ت. ب. وتكىزۋگە جانە قاتىسۋعا تىيىم سالىنادى؛
- قىزمەتى جاڭارتىلماعان وبەكتىلەرگە: بيليارد، كاراوكە، بوۋلينگ-ورتالىقتارعا، باتۋتتار،كومپيۋتەرلىك كلۋبتارعا، تۇنگى كلۋبتارعا، بۋكمەكەرلىك كەڭسەلەر مەن ويىن كلۋبتارىنا، ونىڭ ىشىندە لوتەرەيا ۇتىستارىنا، جابىق عيماراتتارداعى ويىن الاڭدارى مەن اتتراكسيوندارعا، سپورتتىق وبەكتىلەردە ورنالاسقانداردى قوسپاعاندا، ونىڭ ىشىندە مۇزدى جانە روليكتى سىرعاناقتارعا بارۋعا تىيىم سالىنادى؛
- قوعامدىق ورىندارعا، ونىڭ ىشىندە قالالىق قوعامدىق كولىكتەرگە، قىزمەتىنە رۇقسات ەتىلگەن وبەكتىلەرگە بارعان كەزدە، سونداي-اق قوعامدىق ورىنداردا اشىق اۋادا بولعان كەزدە (اشىق اۋادا سپورتپەن شۇعىلدانۋ كەزىندە جانە 5 جاسقا دەيىنگى بالالاردى قوسپاعاندا) بەتپەردە كيۋ، قاشىقتىقتى ساقتاۋ جانە انتيسەپتيكتەردى پايدالانۋ جونىندەگى تالاپتاردى قاتاڭ ساقتاۋى ءتيىس؛
- مەنشىك نىسانىنا قاراماستان بارلىق ۇيىمدار، كاسىپورىندار قىزمەتكەرلەرىنىڭ كەمىندە 60% -ىن قاشىقتىقتان جۇمىس ىستەۋ تۇرىنە كوشىرۋى قاجەت؛
- ساۋدا وبەكتىلەرىنە، قىزمەت كورسەتۋ سالاسىنداعى وبەكتىلەرگە، قوعامدىق كولىككە جانە ادامدار كوپ جينالۋى مۇمكىن ورىندارعا دەزينفەكسيالىق ءىس-شارالاردى جۇرگىزۋ بويىنشا جۇمىستى كۇشەيتىلەدى؛
- قالاارالىق، وبلىسىشىلىك اۆتوبۋس پەن شاعىن اۆتوبۋس تاسىمالدارىنىڭ جۇمىسىن ۇيىمداستىرۋى ءتيىس؛
- ءدىني بىرلەستىكتەر وبەكتىلەرىنىڭ جۇمىسىن (مەشىتتەر، شىركەۋلەر، سوبورلار، سيناگوگالار جانە ت. ب.) جۇمىس كۇندەرى جانە دەمالىس كۇندەرى ءبىر كەلۋشىگە كەمىندە 5م2 جانە 30%-دان اسپايتىن تولتىرۋمەن قامتاماسىز ەتە وتىرىپ، بۇقارالىق ءىس-شارالاردى (جۇما نامازى، ءدىني جورالار جانە ت. ب.) وتكىزۋگە جانە ولاردا ورنالاسقان قوعامدىق تاماقتاندىرۋ وبەكتىلەرىنىڭ جۇمىسىنا تىيىم سالىنادى؛
- حقكو جۇمىسىن كۇشەيتىلگەن سانيتاريالىق-ەپيدەمياعا قارسى، سانيتاريالىق-پروفيلاكتيكالىق ءىس-شارالاردى ساقتاعان جاعدايدا، قاتاڭ تۇردە الدىن الا Egov.kz، «EgovKZBot 2.0» تelegram-بوتپەن برونداۋ ارقىلى جۇمىس جانە سەنبى كۇندەرى ساعات 09:00-دەن 18:00-گە دەيىن جۇمىس كەستەسىن بەلگىلەۋ، جەكسەنبى كۇندەرى جۇمىسىنا تىيىم سالۋمەن ۇيىمداستىرىلادى.
وسى قاۋلى 2021 جىلدىڭ 1 ناۋرىزىنان باستاپ كۇشىنە ەنەدى.
پىكىر قالدىرۋ