الماتىدا سەيفۋللين مەن تورەقۇلوۆ كوشەلەرىنىڭ قيىلىسىندا №123 مارشرۋت اۆتوبۋسى مەن ەكى جەڭىل كولىكتىڭ قاتىسۋىمەن ءىرى جول اپاتى بولىپ، بىرنەشە ادام جاپا شەكتى. ءبىر ادامنىڭ جاعدايى اۋىر. بۇل تۋرالى kris_p_almaty instagram پاراقشاسىندا حابارلاندى.
اۆتوبۋس سەيفۋللين كوشەسىمەن وڭتۇستىك باعىتقا قاراي كەتىپ بارا جاتقان. MEGA Park ساۋدا ءۇيى ماڭىنا كەلگەندە بەلگىسىز سەبەپپەن جول جيىگەنى قاراي شۇعىل بۇرىلىپ، الدىمەن Hyundai Accent كولىگىنە سوقتىعىسىپ، ونى ۇشىرىپ جىبەرگەن. ەكپىنى باسىلماعان اۆتوبۋس تروتۋارعا شىعىپ، بىرنەشە جاياۋ جۇرگىنشىنى قاعىپ، ساۋدا ءۇيىنىڭ جەراستى اۆتوتۇراعىنا قاراي بۇرىلادى. اۆتوتۇراقتان شىعىپ كەلە جاتقان Volkswagen Polo قاعىپ، تۇراق بەتونىنا سوعىلىپ بارىپ توقتاعان.
ازىرگە بىرنەشە ادام جاپا شەككەنى بەلگىلى. ونىڭ ىشىندە جاياۋ جۇرگىنشىلەر، اۆتوبۋس جولاۋشىلارى مەن اۆتوبۋس جۇرگىزۋشىسى بار. جاياۋ جۇرگىنشىلەردىڭ ءبىرىنىڭ جاعدايى اۋىر ەكەنى حابارلاندى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ