تۇركىستان وبلىسىندا جەكەمەنشىك ۇيدەن ىس تيگەن بەس ادامنىڭ دەنەسى تابىلدى، ونىڭ تورتەۋى كامەلەتكەكە تولماعان. بۇل تۋرالى ق ر تجم رەسمي وكىلى تالعان ءۋالي مالىمدەدى.
"2021 جىلعى 27 اقپاندا ساعات 18:35-تە تۇركىستان وبلىسى تجد كەزەكشى-ديسپەچەرلىك قىزمەتىنىڭ پۋلتىنە "103" قىزمەتىنەن تۇركىستان قالاسىنداعى جەكە تۇرعىن ۇيدە كورشىلەرى 5 ادامنىڭ، ونىڭ ىشىندە 4 كامەلەتتىك جاسقا تولماعان بالانىڭ ءمايىتىن تاۋىپ العانى تۋرالى حابارلاما ءتۇستى. ءۇي ىشىندە ءورت بولعانى بايقالمايدى. ۇيدە تابيعي گازبەن جىلىتۋ جابدىعى ورناتىلعان" دەلىنگەن حابارلامادا.
ءقازىر وقيعانىڭ ءمان-جايى انىقتالۋدا.
"وقيعا ورنىنا تجد (6 قىزمەتكەر، 2 دانا تەحنيكا)، پد (15 قىزمەتكەر جانە 4 دانا تەحنيكا)، جەدەل مەديسينالىق كومەك اۋرۋحاناسى (3 قىزمەتكەر جانە 1 دانا تەحنيكا)، "قازترانسگاز" اق (3 قىزمەتكەر جانە 1 دانا تەحنيكا) قىزمەتكەرلەرى شىقتى" دەلىنگەن حابارلامادا.
ارتىنشا، 5 ادام ىس ءتيىپ قايتىس بولعانى حابارلاندى.
پىكىر قالدىرۋ