الۆارەس تۇرىك بوكسشىسىنان باسىم ءتۇسىپ، كەلەسى قارسىلاسىنىڭ ەسىمىن اتادى

/image/2021/02/28/crop-35_4_455x809_5ed19f473510f.r_d.538-92-0.jpeg

مەكسيكالىق بوكسشى ساۋل الۆارەس (55-1-2، 37 كو) تۇركيالىق سپورتشى اۆني يىلدىرىمنان باسىم ءتۇسىپ، WBC جانە WBA Super تۇجىرىمدارى بويىنشا سۋپەرورتا سالماقتاعى (76،2 كگ) چەمپيوندىق تيتۋلىن قورعاپ قالدى، دەپ جازادى vesti.kz.

12 راۋندقا شاقتالعان كەزدەسۋدىڭ 3-راۋندىندا الۆارەس قارسىلاسىن نوكداۋنعا جىبەرىپ، 4-راۋد باستالاردا تۇرىك بوكسشىسى جەكپە-جەكتى جالعاستىرۋدان باس تارتتى.

كەزدەسۋدەن كەيىن مەكسيكالىق بوكسشى پروموۋتەرلەرىنىڭ ءبىرى ەددي حيرن الداعى جوسپارلارى تۋرالى ايتىپ، مامىر ايىندا مەكسيكانىڭ ۇلتتىق مەرەكەسى "سينكو دە مايونىڭ" قارساڭىندا الۆارەس WBO تۇجىرىمى بويىنشا الەم چەمپيونى بريتانيالىق بيللي دجو سوندەرسپەن جۇدىرىقتاساتىنىن ءمالىم ەتتى.

بۇل كەزدەسۋ – الۆارەستىڭ بوكس ءمانسابىنداعى ءىرى جەكپە-جەكتەردىڭ ءبىرى بولماق. مەكسيكالىقتىڭ ءوزى سوندەرستى "قيىن قارسىلاس" دەپ سانايتىنىن ايتتى.

بۇعان دەيىن سوندەرس 72،2 كەلى سالماقتاعى قازاقستاندىق بوكسەر گەنناديي گولوۆكينمەن جەكپە-جەك وتكىزۋ بويىنشا بىرنەشە رەت كەلىسسوز جۇرگىزگەن. ءتىپتى بوكسشىلار 2017 جىلعى ەكسپو كورمەسى قارساڭىندا جۇدىرىقتاسادى دەلىنگەن. الايدا كەلىسسوزدەر بارىسىندا ناقتى كەلىسىم جاسالمادى.

ال الۆارەس گەنناديي گولوۆكينمەن ەكى مارتە شارشى الاڭدا جولىققان. العاشقى كەزدەسۋ داۋلى تەڭ ناتيجەمەن اياقتالسا، ەكىنشىسىندە تورەشىلەر جەڭىستى مەكسيكالىق بوكسشىعا بەرگەن. ەكىنشى جەكپە-جەك قورىتىندىسىنا دا كەلىسپەيتىندەپ كوپ. بوكسشىلاردىڭ ءۇشىنشى كەزدەسۋى تۋرالى اڭگىمە ءجيى قوزعالادى. گولوۆكين ەسكى قارسىلاسىمەن كەزەكتى رەت بوكستاسۋعا ءاردايىم ءازىر ەكەنىن ايتسا، الۆارەس باسىندا GGG-مەن كەزدەسۋگە قۇلشىنبايتىنىن مالىمدەگەن. الايدا سوڭعى كەزدەرى بۇل جەكپە-جەككە قارسى ەمەستىگىن ايتىپ ءجۇر.

الۆارەس تۇرىك بوكسشىسىنان باسىم ءتۇسىپ، كەلەسى قارسىلاسىنىڭ ەسىمىن اتادى

قاتىستى تەگتەر :

پىكىر قالدىرۋ

قاتىستى ماقالالار