ەڭبەك جانە حالىقتى الەۋمەتتى قورعاۋ مينيسترلىگى جەتكىلىكتى مولشەردەن اساتىن زەينەتاقى قورىنداعى قاراجاتتىڭ ءبىر بولىگىن اۆتوكولىك ساتىپ الۋعا بەرۋ باستاماسىنا پىكىر ءبىلدىردى، لەپ جازادى LS سايتى.
مينيسترلىك حابارلاعانداي، سالىمشىلار بۇگىندە جيناعىنىڭ ءبىر بولىگىن باسپانا جاعدايىن جاقسارتۋعا، ەمدەلۋگە جۇمساي الادى. سونداي-اق وزگە كومپانيالارعا سالۋعا مۇمكىندىگى بار.
"زەينەتاقى قورىنداعى اقشانى باسقا ماقساتتار ءۇشىن پايدالانۋ مۇمكىندىكتەرى قاراستىرىلىپ وتىرعان جوق" دەلىنگەن مينيسترلىك حابارلاماسىندا.
بجزق-داعى قاراجاتتى جيناق سالىمى "جەتكىلىكتى شەكتەن" اساتىن، جۇمىس ىستەپ جۇرگەن ازاماتتار عانا الا الادى. ولاردىڭ سانى 530 مىڭعا جۋىقتايدى.
مينيسترلىك ازىرلەگەن شارتتاعا ساي، 20 جاستاعى ازامات ءۇشىن "جەتكىلىكتى شەك" – 1 ملن 720 مىڭ تەڭگە. وسى سومادان اسقان قاراجاتتى جوعارىدا اتالعان ءۇش ماقساتقا پايدالانۋعا مۇمكىندىك بار.
وزگە جاستاعى ادامدار ءۇشىن "جەتكىلىكتى شەك" مولشەرى تومەندەگىدەي:
- 30 جاس – 2 ملن 538 مىڭ تەڭگە؛
- 35 جاس – 2 ملن 961 مىڭ تەڭگە؛
- 40 جاس – 3 ملن 437 مىڭ تەڭگە؛
- 45 جاس – 3 ملن 947 مىڭ تەڭگە؛
- 50 جاس – 4 ملن 495 مىڭ تەڭگە؛
- 55 جاس – 5 ملن 84 مىڭ تەڭگە؛
- 59 جاس جانە ودان ءارى قاراي – 5 ملن 586 مىڭ تەڭگە.
پىكىر قالدىرۋ