پرەزيدەنت قاسىم-جومارت توقايەۆ قازاقستاندىقتاردى العىس ايتۋ كۇنىمەن قۇتتىقتادى. بۇل تۋرالى اقوردا سايتى حابارلادى.

"قۇرمەتتى وتانداستار! سىزدەردى العىس ايتۋ كۇنىمەن شىن جۇرەكتەن قۇتتىقتايمىن!

ەلباسى 2015 جىلى قازاقستان حالقى اسسامبلەياسىنىڭ سەسسياسىندا جاريالاعان وسى ايتۋلى مەرەكەنىڭ ءمانى تەرەڭ، ماڭىزى ەرەكشە.

بۇل كۇنى حالقىمىزدىڭ بىر-بىرىنە ءوزارا قامقورلىعى، مىزعىماس بەرەكە-بىرلىگى مەن ىنتىماعى كەڭىنەن دارىپتەلەدى.

ءبىز وسى قۇندىلىقتاردىڭ ارقاسىندا مەملەكەتتىگىمىزدى جاڭعىرتىپ، ءتۇرلى سىن-قاتەردەن سۇرىنبەي وتتىك. ءقازىر تاۋەلسىزدىگىمىزدىڭ 30 جىلدىق بەلەسىن الەۋمەتتىك-ەكونوميكالىق سالاداعى جانە حالىقارالىق دەڭگەيدەگى تولاعاي تابىستارمەن قارسى العالى وتىرمىز.

بۇگىندە ازاماتتارىمىز ەگەمەن ەلىمىزدى دامىتۋعا، قاستەرلى قازاق جەرىندەگى بەيبىتشىلىكتى، تاتۋلىق پەن كەلىسىمدى نىعايتۋعا ولشەۋسىز ۇلەس قوسۋدا.

مەن بارشاڭىزعا وتانىمىزدىڭ وركەندەۋى جولىندا سىڭىرگەن جاسامپاز ەڭبەكتەرىڭىز ءۇشىن العىس ايتامىن.

ءبىز ءبىرتۇتاس جانە ەڭبەكقور ۇلت بولساق، كوزدەگەن ماقساتتارىمىزعا جەتەمىز. ءبارىمىز بىرگە ادىلەتتى قوعام قۇرىپ، مەملەكەتتىلىگىمىزدى ورنىقتىرا تۇسەمىز دەپ سەنەمىن.

بارشاڭىزعا زور دەنساۋلىق، باق-بەرەكە جانە مول يگىلىك تىلەيمىن!" دەلىنگەن رەسمي سايت تاراتقان حابارلامادا.