2022 جىلدان باستاپ دەنساۋلىق ساقتاۋ ۇيىمدارىنداعى مەديسينالىق ەمەس قىزمەتكەرلەردىڭ جالاقىسىن كوتەرۋ ماسەلەسىن پىسىقتالىپ جاتىر. بۇل تۋرالى بۇگىن دەنساۋلىق ساقتاۋ ءمينيسترى الەكسەي سوي پرەمەر-مينيستردىڭ ورىنباسارى ەرالى توعجانوۆتىڭ قاتىسۋىمەن وتكەن ۆەدومستۆونىڭ 2020 جىلعى قىزمەتىنىڭ قورىتىندىسى جانە 2021 جىلعا ارنالعان مىندەتتەرى بويىنشا كەڭەيتىلگەن القا وتىرىسىندا ايتتى.
– وسىلايشا، 2021 جىلى دارىگەرلەردىڭ ورتاشا جالاقىسى شامامەن 320 مىڭ تەڭگە بولادى. 2023 جىلى 561 مىڭ تەڭگەگە دەيىن جەتەدى. 2021 جىلى ورتا مەديسينا قىزمەتكەرلەرىنىڭ ورتاشا جالاقىسى 173 مىڭ تەڭگە، 2023 جىلى 210 مىڭ تەڭگەگە جەتەدى، – دەدى ا.سوي.
2023 جىلعا قاراي دارىگەرلەردىڭ جالاقىسى ەكونوميكاداعى ورتاشا جالاقىدان ەكى جارىم ەسە جوعارى دەڭگەيگە جەتەدى دەپ بولجانىپ وتىر. ماسەلەن، 247 مىڭ مەديسينا قىزمەتكەرىنىڭ جالاقىسىن كوتەرۋگە رەسپۋبليكالىق بيۋدجەتتە ءتيىستى شىعىستار كوزدەلگەن. 2021 جىلى – 222 ملرد تەڭگە، 2022 جىلى – 362 ملرد تەڭگە، 2023 جىلى 557 ملرد. تەڭگە.
سونىمەن قاتار، 2020 جىلى دارىگەرلەردىڭ ورتاشا جالاقىسى 30%-عا، ورتا مەديسينا قىزمەتكەرلەرىنىڭ جالاقىسى 20%-عا وسكەن.
پىكىر قالدىرۋ