ەرجان ەرىك ۇلى ءبىرجانوۆ ەڭبەك جانە حالىقتى الەۋمەتتىك قورعاۋ ۆيسە-مينيسترى قىزمەتىنە تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
"ق ر ۇكىمەتىنىڭ قاۋلىسىمەن ەرجان ەرىك ۇلى ءبىرجانوۆ ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى قىزمەتىنە تاعايىندالدى" دەلىنگەن حابارلامادا.
ەرجان ءبىرجانوۆ 1979 جىلى سولتۇستىك قازاقستان وبلىسىندا دۇنيەگە كەلگەن.
ەڭبەك جولىن 1999 جىلى سولتۇستىك قازاقستان وبلىسى بويىنشا سالىق كوميتەتىنىڭ جەرگىلىكتى سالىقتار سەكتورىنىڭ اعا سالىق ينسپەكتورى بولىپ باستادى.
1999 جىلدان 2004 جىلعا دەيىن سقو بويىنشا سالىق كوميتەتىندە جۇمىس ىستەدى.
2004 جىلدان 2014 جىلعا دەيىن قارجى مينيسترلىگىنىڭ قۇرىلىمىندا باسشىلىق لاۋازىمداردى اتقاردى.
2014 جىلعى ناۋرىز-قاراشا ارالىعىندا – پرەزيدەنت اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ ساراپشىسى.
2014 جىلعى قاراشادان 2017 جىلعا دەيىن قارجى مينيسترلىگىنىڭ مەملەكەتتىك كىرىستەر كوميتەتىنىڭ دامۋ جانە جاڭعىرتۋ دەپارتامەنتىنىڭ ديرەكتورى بولىپ جۇمىس ىستەدى.
2017 جىلعى قاڭتاردان ناۋرىزعا دەيىن – "قازيمپەكس" رەسپۋبليكالىق ورتالىعى" اكسيونەرلىك قوعامىنىڭ باسقارما ءتوراعاسىنىڭ ورىنباسارى.
2017-2018 – ق ر ۇلتتىق قاۋىپسىزدىك كوميتەتى دەپارتامەنتىنىڭ باسشىسى.
2018 جىلدان 2020 جىلدىڭ ءساۋىر ايىنا دەيىن "ق ر ۇلتتىق قاۋىپسىزدىك كوميتەتىنىڭ مەملەكەتتىك تەحنيكالىق قىزمەتى" رەسپۋبليكالىق مەملەكەتتىك كاسىپورنىنىڭ ديرەكتورى بولىپ جۇمىس ىستەدى.
2020 جىلعى ساۋىردەن باستاپ قازىرگى ۋاقىتقا دەيىن ق ر ۇلتتىق قاۋىپسىزدىك كوميتەتى شەكارا قىزمەتىنىڭ جۇمىسىن باقىلاۋ جانە ۇيلەستىرۋ دەپارتامەنتىنىڭ باسشىسى لاۋازىمىن اتقاردى.
پىكىر قالدىرۋ