دەنساۋلىق ساقتاۋ ءمينيسترى الەكسەي سوي مينيسترلىكتىڭ كەڭەيتىلگەن القا وتىرىسىندا ەلدەگى ەپيدەميولوگيالىق احۋالعا بايلانىستى بولجاممەن تانىستىردى.
2021 جىلى 6 ملن-نان استام ادامعا ۆاكسينا سالۋ جوسپارلانىپ وتىرعانىن ەسكە سالىپ، 2 مىڭنان استام مەديسينا قىزمەتكەرى كۆي-گە قارسى ۆاكسيناسيا تاكتيكاسى، ۆاكسيناسيانىڭ قاۋىپسىزدىگى مەن تيىمدىلىگىن قامتاماسىز ەتۋ بويىنشا وقىتىلعانىن اتاپ ءوتتى
– ە-gov mobile "ۆاكسيناسيا" جانە "سيفرلىق قۇجاتتار" قىزمەتىندەگى ۆاكسيناسيا پاسپورتى ارقىلى ەگىلگەندەردىڭ ەسەبىن جۇرگىزۋ جانە يممۋندىق جاعدايدى باقىلاۋ جوسپارلانۋدا. بۇل ۆاكسيناسيا كولەمىن جانە اۋرۋدىڭ بولجامىن جوسپارلاۋعا كومەكتەسەدى. ۆاكسيناسيانىڭ قولدا بار ناتيجەلەرىن ەسكەرە وتىرىپ، وسى جىلدىڭ ەكىنشى جارتىجىلدىعىنا دەيىن ەپيدەميولوگيالىق جاعدايعا بولجام جاسالدى. وپتيميستىك جانە شىنايى بولجامعا سايكەس، جاپپاي ماسكا رەجيمى، سونداي-اق الەۋمەتتىك اراقاشىقتىق ساقتاۋ ناتيجەسىندە ەلدەگى ەپيدەميولوگيالىق جاعداي تۇراقتالادى جانە قاتاڭ كارانتيندىك شەكتەۋگە ۆاكسيناسيا عانا بالاما بولادى. بۇكىل الەم ۆاكسيناسيا عانا كارانتينسىز قالىپتى ومىرگە ورالۋعا مۇمكىندىك بەرەتىنىن ءتۇسىندى، – دەدى ا.سوي.
پىكىر قالدىرۋ