"بورات-2" ءفيلمى "التىن گلوبۋس" جۇلدەسىن يەلەندى. بۇل تۋرالى "التىن گلوبۋستىڭ" Twitter-دەگى رەسمي پاراقشاسى حابارلادى.
"بورات-2" ءفيلمى ۇزدىك كومەديا نەمەسە ميۋزيكل نوميناسياسى بويىنشا "التىن گلوبۋس" سىيلىعىنىڭ يەگەرى اتاندى.
فيلمدەگى باستى ءرولدى سومداعان اكتەر – ساشا بارون كوەن "ميۋزيكلدەگى نەمەسە كومەدياداعى ەڭ ۇزدىك ءرول" نوميناسياسىن جەڭىپ الدى.
"بورات" – ەكى بولىمنەن تۇراتىن كومەديا جانرىنداعى تۋىندى. ءفيلمنىڭ العاشقى ءبولىمى 2006 جىلى شىققان. فيلم جەلىسى بويىنشا رەجيسسەر ءارى باس كەيىپكەردى سومداعان ساشا بارون قازاقستاندىق جۋرناليست بوراتتىڭ ءومىرىن، سول ارقىلى قازاقستاندى وركەنيەت كوشىنەن قالعان ەتىپ كورسەتەدى. فيلم قازاقستاندا ۇلكەن شۋ تۋدىرعاننان كەيىن ەل اۋماعىندا كورسەتۋگە تىيىم سالىنعان.
ساشا بارون كوەننىڭ ءوزى فيلمدە قازاقستان مەن شىن ەلدىڭ اراسىندا ورتاق ەشتەڭە جوق ەكەنىن مالىمدەگەن.
"مەن قازاقستاندى امەريكادا ەشكىم بىلمەيتىندىكتەن تاڭدادىم. بۇل بىزگە جابايى، كومەديالىق جانە جالعان الەم جاساۋعا مۇمكىندىك بەردى. شىنايى قازاقستان – قوعامى زاماناۋي ءارى ماقتانۋعا تۇرارلىق كەرەمەت ەل. بوراتتىڭ قاراما-قارسى نۇسقاسى" دەگەن بولاتىن اكتەر.
پىكىر قالدىرۋ