امانعالي نۇرداۋلەتوۆ ماڭعىستاۋ وبلىسى ىشكى ساياسات باسقارماسىنىڭ باسشىسى بولىپ تاعايىندالدى. بۇل تۋرالى ماڭعىستاۋ وبلىسى اكىمىنىڭ باسپا ءسوز قىزمەتى حابارلادى.
"قازاقستان رەسپۋبليكاسى پرەزيدەنت اكىمشىلىگىنىڭ كەلىسىمىمەن، ماڭعىستاۋ وبلىسى اكىمىنىڭ وكىمىمەن ماڭعىستاۋ وبلىسى ىشكى ساياسات باسقارماسىنىڭ باسشىسى بولىپ امانعالي نۇرداۋلەتوۆ تاعايىندالدى" دەلىنگەن حابارلامادا.
امانعالي سۇلەيمەن ۇلى 1981 جىلى ماڭعىستاۋ وبلىسىندا تۋعان. ءبىلىمى جوعارى. 2000 جىلى – اقتاۋ شەت تىلدەر كوللەدجىندە اعىلشىن ءتىلى ءمۇعالىمى، رەفەرانت – اۋدارماشى، 2006 جىلى – ە.ا.بوكەتوۆ اتىنداعى كاراعاندى مەملەكەتتىك ۋنيۆەرسيتەتىندە زاڭگەر ماماندىعى بويىنشا ءبىلىم العان.
ەڭبەك جولىن اقتاۋ قالاسى اكىمى اپپاراتىنىڭ ءىس جۇرگىزۋشى ماماندىعىنان باستاعان. كەيىن قالالىق اكىم اپپاراتىندا باس مامان، جەتەكشى ماماندىعى بويىنشا جالعاستىرعان. 2010 جىلى مۇنايلى اۋدانى اكىمى اپپاراتىنىڭ مەملەكەتتىك –قۇقىق ءبولىمىنىڭ باستىعى، 2012 جىلى اقتاۋ قالاسى بويىنشا سۋدان كۇتقارۋ كىزمەتىنىڭ باسشىسى، 2016 جىلى فورت-شيەۆچەنكو قالاسىنىڭ اكىمى، 2018 جىلى جاستار ساياساتى جونىندەگى باسقارما باسشىسى، 2019 جىلى وبلىستىق مادەنيەت باسقارما باسشىسىنىڭ ورىنباسارى قىزمەتتەرىن اتقارعان.
2019 جىلدان بەرى وسى ۋاقىت ارالىعىندا جاڭاوزەن كالاسى اكىمىنىڭ ورىنباسارى لاۋازىمىندا بولعان.
