زاڭگەر، ادۆوكات ابزال قۇسپان بەلسەندىلەردىڭ جەكە باسىنا تيىسپەي، ەلدىك ماسەلەدە ولاردى قولداۋعا، قولداۋ قولدان كەلمەسە، ولار تۋرالى نەگاتيۆ سوزدەر ايتىپ، جاعىمسىز وبراز قالىپتاستىرماۋعا شاقىردى.
دوستار! اناۋ ساتقىن، مىناۋ ساتقىن دەگەن اڭگىمەدەن شارشاعان جوقسىزدار ما؟ وسى اڭگىمەلەردى تاراتۋعا كىم مۇددەلى ءوزى؟ ارامىزدا ساتقىن اتانباعان ءبىر ادام قالدى ما؟ كەشە عانا تۇرمەدەن شىققان ماكستى دا ساتقىن قىلىپ ۇلگەردىك؟! جارايدى، بۇل سۇراقتاردا تالايدان بەرى ايتىلىپ كەلە جاتقان، ابدەن تىزەسى شىققان ماسەلە. مەنىڭ ايتقىم كەلىپ وتىرعانى، ءوزىم قوعامدىق نەگىزدە قولعا العان بىر-ەكى ءىس توڭىرەگىندە بولماق. ول ىستەر ەل بولىپ بىرگە جۇمىلاتىن، بارىمىزگە ورتاق تاقىرىپ بولۋعا ءتيىس ىستەر دەپ ەسەپتەيمىن.
1. ورىس-قازاق ماسەلەسىندە، قازاق ماسەلەسىن كوتەرگەنى ءۇشىن قازاق بيلىگىمەن ءىستى بولىپ، قاماۋعا الىنعان مارعۇلان بورانبايدى قورعاۋ.
2. قازاق-دۇنگەن قاقتىعىسىندا ءىستى بولىپ، كەيىن تۇرمەدە بەلگىسىز جاعدايدا كوز جۇمعان مارقۇم كيبايەۆ بەكبولدىڭ ءولىمى.
3. الماتىداعى ىشكى ىستەر اكادەمياسىندا وز-وزىنە قول جۇمساپ ولگەن كۋرسانت سالامات وتەگەنوۆتىڭ ءولىمى.
بۇل ماسەلەلەردى ءسىز قولداڭىز، ەگەر قولداماساڭىز، تىم قۇرىسا ارتقا تارتپاي، ءارتۇرلى سوزگە ەرمەي، وسەك-اياڭ تاراتپاي تىنىش وتىرساڭىزدار دەگەن تىلەك. ال جالپى جەكە باسقا ءتيىسىپ، ۇنەمى سىناپ-مىنەپ وتىراتىندارعا ءوز باسىم الدەقاشان ەتىم ءولىپ كەتكەن، نازار اۋدارمايمىن. دەگەنمەن ەلدىك ماسەلە دەگەن بولادى، جوعارىدا ايتىلعاندار، سول ەل بولىپ كوتەرەتىن ماسەلەگە جاتادى، سونى ايتقىم كەلگەنى" دەيدى ادۆوكات.
وقي وتىرىڭىز!
