ءبىلىم جانە عىلىم ءمينيسترى اسحات ايماعامبەتوۆ ۇستازداردى العىس ايتۋ كۇنىمەن قۇتتىقتادى.
– بۇگىن – العىس ايتۋ كۇنى! سىزدەردى مەيىرىمدىلىك، جاقسىلىق، دوستىق پەن ىزگىلىكتىڭ سيمۆولىنا اينالعان مەرەكەمەن شىن جۇرەكتەن قۇتتىقتايمىن!
پەداگوگ-ارىپتەستەرىمە پاندەميا مەن كارانتيندىك شەكتەۋلەر جاعدايىندا كاسىبيلىك تانىتىپ، قاجىرلى ەڭبەك ەتكەنى ءۇشىن ەرەكشە العىسىمدى بىلدىرەمىن! – دەپ جازدى مينيستر.
ايماعامبەتوۆ ۇستازدارمەن قاتار، وقۋشىلار مەن ستۋدەنتتەردىڭ اتا-انالارىنا دا العىس ءبىلدىردى.
– مۇعالىمدەر ۋاقىتتىڭ جاڭا سىن-قاتەرلەرىن ەڭسەرۋ ءۇشىن تاباندىلىق تانىتتى. سىناقتاردىڭ ارقاسىندا مىقتى بولا تۇستىك.
ۇستازدارعا ءوز ىسىنە دەگەن سۇيىسپەنشىلىك پەن بالالارعا دەگەن شەكسىز ماحابباتى ءۇشىن العىس ايتامىن. وسىناۋ قيىن كەزەڭدە قولداۋ كورسەتىپ، تۇسىنىستىك تانىتقانى ءۇشىن وقۋشىلارىمىز بەن ستۋدەنتتەرىمىزدىڭ اتا-انالارىنا العىسىم شەكسىز.
ءبىزدىڭ بالالارىمىز تالانتتى ءارى اقىلدى. ولار – ەلىمىزدىڭ بولاشاعى. ءبىز بالالاردىڭ ساپالى ءبىلىم الىپ، قازاقستاننىڭ لايىقتى ازاماتتارى بولىپ ءوسۋى ءۇشىن قولدان كەلگەننىڭ ءبارىن جاسايمىز.
بارشاڭىزعا مىقتى دەنساۋلىق، وتباسىلارىڭىزعا باق-بەرەكە جانە تولاعاي تابىستار تىلەيمىن! – دەدى ول.
پىكىر قالدىرۋ