اقش قىتايدى "گونكونگتاعى دەموكراتيالىق ينستيتۋتتارعا ءقاۋىپ ءتوندىردى" دەپ ايىپتادى. جاقىندا عانا بەيجىڭ گونكونگتاعى سايلاۋ جۇيەسىن وزگەرتۋ جوسپارىن جاريالاعان.
جۇما كۇنى بۇكىلقىتايلىق حالىق جينالىسى ءوتتى.
قابىلدانعان جاڭا ەرەجە بويىنشا، گونكونگ اسسامبلەياسىنا قاتىساتىن بارلىق ۇمىتكەرلەردى بەيجىڭگە ادال مۇشەلەر كوميتەتى ماقۇلداۋى كەرەك.
بۇل قادام بىلتىرعى جىلى قاتاڭ قاۋىپسىزدىك زاڭىن قابىلداعاننان كەيىن بولدى.
سىنشىلاردىڭ پىكىرىنشە، بەيجىڭ ديسسيدەنتتەردى جانشۋدا جانە ۇلىبريتانيامەن جاساعان "ءبىر ەل، ەكى جۇيە" كەلىسىمىن بۇزىپ جاتىر.
بەيجىڭ-لوندون اراسىنداعى كەلىسىمگە سايكەس، بۇرىنعى بريتان كولونياسى – گونكونگ تاۋەلسىز قۇقىقتىق جۇيەمەن جۇمىس ىستەۋگە جانە ءسوز بوستاندىعى، باسپا ءسوز بوستاندىعى سياقتى قۇقىقتارعا يە بولۋعا رۇقسات ەتىلگەن.
بۇل مودەل جويىلىپ بارا جاتىر دەگەن قورقىنىش 2019 جىلى دەموكراتيالىق ۇلكەن نارازىلىقتارعا الىپ كەلدى. كەيبىر شەرۋلەردىڭ سوڭى زورلىق-زومبىلىققا ۇلاسىپ، بەيجىڭ ۇلتتىق قاۋىپسىزدىك تۋرالى زاڭ شىعاردى. بەيجىڭنىڭ ايتۋىنشا، جاڭا زاڭ "بۇلىك شىعارۋدى" ماقسات ەتكەندەرگە قارسى جاسالعان جانە قوعامنىڭ ورنىقتىلىعىن ساقتايدى.
پىكىر قالدىرۋ