دەنساۋلىق ساقتاۋ مينيسترلىگى ەلدەگى ەپيدەميولوگيالىق جاعداي بويىنشا سوڭعى مالىمەتتەردى جاريالادى.
مينيسترلىك دەرەگىنشە، ءبىر تاۋلىكتە 571 ادام كوروناۆيرۋس، 4 ادام پنيەۆمونيا جۇقتىرعان. 7 ادام كوروناۆيرۋستان، 2 ادام پنيەۆمونيادان كوز جۇمعان.
9 ناۋرىزداعى مالىمەت بويىنشا، 18 758 ادام كورونوۆيرۋس ينفەكسياسىنان ەمدەلىپ جاتىر. ولاردىڭ ىشىندە 4 638 پاسيەنت ستاسيوناردا، 14 120 ناۋقاس امبۋلاتوريالىق دەڭگەيدە ەم قابىلداۋدا.
كۆي-گە شالدىققانداردىڭ اراسىندا 254 ادامنىڭ جاعدايى اۋىر، 54 پاسيەنتتىڭ جاعدايى وتە اۋىر، 40 ناۋقاس ءوجج اپپاراتىندا جاتىر.
مينيسترلىك كوروناۆيرۋستىڭ تارالۋى تومەندەپ بارا جاتقانىن مالىمدەدى. 6 ناۋرىزدا 874 ناۋرقاستان، 7 ناۋرىزدا 854، 8 ناۋرىزدا 670 ادامنان ۆيرۋس انىقتالعان.
پىكىر قالدىرۋ