الماتى وبلىسىندا جول اپاتىنان ءبىر ادام قايتىس بولدى. بۇل تۋرالى وبلىستىڭ پوليسيا دەپارتامەنتى حابارلادى.
وقيعا 9 ناۋرىزدا ساعات 8:00 شاماسىندا الماتى وبلىسىنداعى تالعار-اقبۇلاق جولىندا بولعان. قولدا بار دەرەككە ساي، جول اپاتىنان 1980 جىلى تۋعان ەر ادام قايتىس بولعان.
"Mitsubishi Galant اۆتوكولىگىنىڭ جۇرگىزۋشىسى پاز-3206 جۇرگىزۋشىسىنە جول بەرمەگەن. سالدارىنان ەكەۋى سوقتىعىستى. وقيعا بولعان جەردە Mitsubishi Galant كولىگىنىڭ 41 جاستاعى جۇرگىزۋشىسى العان جاراقاتتارىنان قايتىس بولدى، باسقا قايتىس بولعاندار مەن زارداپ شەككەندەر جوق" دەلىنگەن پوليسيا دەپارتامەنتى تاراتقان حابارلامادا.
ءقازىر قىلمىستىق كودەكستىڭ 345-بابى 3-تارماعى "كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ ەرەجەلەرىن بۇزۋى، ادام ابايسىزدا ولىمىنە اكەپ سوقتىرۋى" بويىنشا سوتقا دەيىنگى تەرگەۋ جۇمىستارى باستالدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ