پرەزيدەنت قاسىم-جومارت توقايەۆتىڭ جارلىعىنا سايكەس ەلدىڭ 2025 جىلعا دەيىنگى دامۋىنىڭ ۇلتتىق جوسپارى بەكىتىلدى، دەپ حابارلادى ۇلتتىق ەكونوميكا مينيسترلىگى.
مينيسترلىك تاراتقان اقپاراتتىق حابارلامادا جوسپار حالىقتىڭ ءومىر ءسۇرۋ ساپاسى مەن ءال-اۋقاتىن ارتتىرۋعا باعىتتالعان تۇبەگەيلى ينستيتۋسيونالدىق جانە سالالىق رەفورمالار ءۇشىن نەگىز بولاتىنى ايتىلادى.
"دەنساۋلىق ساقتاۋ مەن ءبىلىم بەرۋ قىزمەتتەرىن جاقسارتۋعا، ينفراقۇرىلىمدى دامىتۋعا، ناتيجەلى جۇمىسپەن قامتۋعا جانە حالىقتىڭ الەۋمەتتىك ءال-اۋقاتىن ارتتىرۋعا ەرەكشە نازار اۋدارىلاتىن بولادى.
جالپىۇلتتىق باسىمدىقتار (جۇب) ءۇش ءتۇيىندى باعىت بويىنشا 10 ناقتى مىندەتتى بىلدىرەدى: ازاماتتاردىڭ ءال-اۋقاتى، ينستيتۋتتاردىڭ ساپاسى جانە كۇشتى ەكونوميكا قۇرۋ.
اڭگىمە جاقىن كەلەشەكتە رەفورمالار جۇزەگە اسىرىلاتىن ون باعىت تۋرالى بولىپ وتىر: ءادىل الەۋمەتتىك ساياسات، دەنساۋلىق ساقتاۋدىڭ قولجەتىمدى جانە ءتيىمدى جۇيەسى، ساپالى ءبىلىم بەرۋ، ازاماتتاردىڭ مۇددەلەرىن قورعاۋعا ارنالعان ءادىل جانە ءتيىمدى مەملەكەت، مەملەكەتتىك باسقارۋدىڭ جاڭا مودەلى، پاتريوتيزم قۇندىلىقتارىن دارىپتەۋ، ۇلتتىق قاۋىپسىزدىكتى نىعايتۋ، ءارتاراپتاندىرىلعان يننوۆاسيالىق ەكونوميكا قۇرۋ، ەكونوميكالىق جانە ساۋدا ديپلوماتياسىن بەلسەندى دامىتۋ جانە تەڭگەرىمدى اۋماقتىق دامۋ" دەلىنگەن اقپاراتتىق حابارلامادى.
پىكىر قالدىرۋ