قازاقستان ونكولوگتار قاۋىمداستىعىنىڭ مۇشەسى، جوعارى ساناتتاعى ونكولوگ دارىگەر، اكادەميك، پروفەسسور، مەديسينا عىلىمدارىنىڭ دوكتورى رايىمقۇل قاراقۇلوۆ قايتىس بولدى. بۇل تۋرالى قازاق ونكولوگيا جانە راديولوگيا عىلىمي-زەرتتەۋ ينستيتۋتى الەۋمەتتىك جەلىدەگى پاراقشاسىندا مالىمدەدى.
"بۇگىن تۇندە ءبىزدىڭ قىمباتتى پروفەسسورىمىز، ۇستازىمىز، قازاق ونكولوگيا جانە راديولوگيا عزي گەماتولوگيا جانە سۇيەك كەمىگى ترانسپلانتاسياسى ورتالىعىنىڭ ونكولوگ دارىگەرى – رايىمقۇل قاراقۇل ۇلى دۇنيەدەن وزدى.
"قازورعزي" اق باسقارما ءتوراعاسى ديليارا قايداروۆا باستاعان ينستيتۋت ۇجىمى رايىمقۇل قاراقۇل ۇلىنىڭ وتباسى مەن جاقىندارىنا كوڭىل ايتادى. بۇل قازاقستاننىڭ مەديسينا جانە ونكولوگيا قوعامداستىعى ءۇشىن ورنى تولماس قازا" دەلىنگەن جەلىدەگى جازبادا.
رايىمقۇل قاراقۇلوۆ 1942 جىلى 13 تامىزدا وڭتۇستىك قازاقستان وبلىسى قازىعۇرت اۋدانى جاڭابازار اۋىلىندا تۋعان. مەديسينا عىلىمدارىنىڭ دوكتورى، پروفەسسور، كسرو دەنساۋلىق ساقتاۋ ءىسىنىڭ ۇزدىگى، كسرو ونەرتاپقىشى.
1967 جىلى الماتى مەملەكەتتىك مەديسينا ينستيتۋتىن، پەدياتر فاكۋلتەتىن بىتىرگەن.
قازاق ونكولوگيا جانە راديولوگيا عىلىمي-زەرتتەۋ ينستيتۋتىنداعى قىزمەتىن 1971 جىلى قاراپايىم لابورانت بولىپ باستاعان.
پىكىر قالدىرۋ