اقمولا وبلىسىنىڭ باس سانيتار دارىگەرى ا. مۋسينا كارانتين شارالارىن جەڭىلدەتۋ تۋرالى جاڭا قاۋلى جاريالادى.
"وبلىستىڭ باس سانيتار دارىگەرىنىڭ 2021 جىلعى 24 اقپانداعى №9 قاۋلىسىنا وزگەرىستەر مەن تولىقتىرۋلار ەنگىزىلسىن" دەلىنگەن قۇجاتتا.
اتالعان قۇجاتقا سايكەس، 2020-2021 وقۋ جىلىنىڭ ءىىى توقسانىندا وڭىردەگى ءبىلىم بەرۋ ورىندارىندا ءبىرقاتار كارانتين جەڭىلدىكتەرى قاراستىرىلعان.
وبلىستىق باس سانيتار دارىگەردىڭ قاۋلىسىندا:
- وقۋشىلار سانى 300-گە دەيىن كونتينگەنتى بار، سىنىپتاردا 15-تەن كوپ ەمەس بالا سانىمەن قالالىق جانە اۋىلدىق مەكتەپتەر ءداستۇرلى فورماتتا وقىتىلادى؛
- 2021 جىلدىڭ 1 ناۋرىزىنان باستاپ جالپى ءبىلىم بەرەتىن مەكتەپتەردە مەكتەپ الدى سىنىپتاردىڭ، 1 سىنىپتان 5 سىنىپقا دەيىن قوسا العاندا، حالىقارالىق مەكتەپتەردە 1 سىنىپتان 7 سىنىپقا دەيىن قوسا العاندا، سىنىپتاردا 25-كە دەيىن بالا سانىمەن وقۋشىلار ارالاس فورماتتا وقىتىلادى؛
- بىتىرەتىن سىنىپتار (9، 11 (12) سىنىپتار) ءۇشىن اپتانىڭ 6 كۇنى ىشىندە ارالاس فورماتتا وقىتۋعا: پاندەردىڭ 70 پايىزى شتاتتىق رەجيمدە، 30 پايىزى قاشىقتىقتان وقىتىلادى؛
- سىنىپتا 15 ادامنان ارتىق ەمەس، "1 سىنىپ - 1 كابينەت" قاعيداتى بويىنشا وقىتۋ كەزىندە سانيتاريالىق-دەزينفەكسيالىق جانە ماسكا رەجيمدەرى ساقتالۋعا ءتيىس؛
- ءبىلىم بەرۋ مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا رۇقسات بەرىلەدى.
پىكىر قالدىرۋ