ايەلدەر قۇقىعى تۋرالى كوپ ايتىلىپ ءجۇر. كەيدە ەرلەردىڭ قۇقىعى دا ەلەۋسىز قالىپ جاتاتىن جاعدايلار ۇشىراسادى.

تاريحقا كوز جىبەرسەك، ايەلدەردىڭ قۇقىن قورعايتىن فەمينيستىك قوزعالىستار قىزمەتىن وتكەن عاسىردىڭ باسىندا باستاعان. ال ەرلەردىڭ قۇقى تۋرالى قوزعالىستار ودان جارتى عاسىردان استام ۋاقىتتان كەيىن پايدا بولعان.

ەرلەر قۇقىعىن قورعاۋ قوزعالىسى – ەرلەر قوزعالىسىنىڭ ءبىر تارماعى. قوزعالىس جالپى الەۋمەتتىك ماسەلەلەرگە جانە بەلگىلى ءبىر مەملەكەتتىك قىزمەتتەردىڭ ەرلەرگە كەرى اسەر ەتەتىن نەمەسە كەيبىر جاعدايلاردا قۇرىلىمدىق جاعىنان كەمسىتەتىن ءارتۇرلى ديسكريميناسياعا باعىتتالعان.

ەرلەردىڭ قۇقىعىن قورعاۋ قوزعالىسىندا تالقىلاناتىن جالپى تاقىرىپتارعا وتباسى زاڭناماسىندا ايەلدەرگە بەرىلگەن ىقتيمالدى جەڭىلدىكتەر جاتادى، سونىڭ ىشىندە اجىراسقان سوڭ بالالاردى قامقورلىققا الۋ، اليمەنتتەر جانە نەكە مۇلكىن ءبولۋ سياقتى ماسەلەلەر كىرەدى.

قوزعالىس سونىمەن قاتار بالانى ەرلەردىڭ الۋى، سۋيسيد، ەر ادامدارعا قارسى تۇرمىستىق زورلىق-زومبىلىق، ءبىلىم الۋ، الەۋمەتتىك قاۋىپسىزدىك ىستەرى جانە دەنساۋلىق ساياساتىنا قاتىستى ماسەلەلەردى كوتەرگەن.

ەرلەردىڭ قۇقىعىن قورعاۋ قوزعالىسى 1970 جىلداردىڭ باسىندا ەرلەردى ازات ەتۋ قوزعالىسىنان ءبولىنىپ شىقتى، ەكى توپ تا ۇلكەن ەرلەر قوزعالىسىنىڭ ءبىر بولىگىن قۇرادى.

قۇرىلعاننان باستاپ ەرلەر قۇقىعىن قورعاۋ قوزعالىسى كوپتەگەن سىندارعا ۇشىرادى جانە كەيبىر عالىمدار بۇل قوزعالىستى نەمەسە ونىڭ بولىكتەرىن فەمينيزمگە قارسى رەاكسيا رەتىندە سيپاتتادى. ەرلەردىڭ قۇقىعىن قورعاۋمەن بايلانىستى شاعىمدار مەن ءىس-شارالار سىنعا الىنىپ، جەككورۋشىلىك جانە زورلىق-زومبىلىق بەلگىلەرى رەتىندە كورسەتىلدى.

2018 جىلى "ەرلەردىڭ قۇقىعىن قورعاۋ قوزعالىسىنىڭ كەيبىر جاقتارى زاڭدى شاعىمدارعا باعىتتالعانىن" ايتىلدى.

دەگەنمەن، ەرلەردىڭ قۇقىقتارىن قورعاۋشى كەيبىر توپتاردى "ەرلەردىڭ ۇستەمدىگى" اياسىنداعى جەككورىنىش يدەولوگياسىنىڭ بولىگى رەتىندە سيپاتتاعاندار دا بولدى. 

جالپى ەرلەر قوزعالىسى  1960-1970 جىلدارى ەڭ الدىمەن باتىس ەلدەرىندە پايدا بولعان، گەندەرلىك ماسەلەلەرگە نازار اۋداراتىن ەر ادامدار  توپتارى مەن ۇيىمدارىنان تۇراتىن قوعامدىق قوزعالىس رەتىندە پايدا بولدى.

ەرلەر قوزعالىسى ءارتۇرلى ماقساتتاردى كوزدەيتىن بىرنەشە قوزعالىستاردان تۇرادى.

ەرلەر قوزعالىسىنىڭ نەگىزگى كومپونەنتتەرىنە ەرلەردىڭ ازاتتىق قوزعالىسى، ماسكۋلينيزم، پروفەمينيستىك ەرلەر قوزعالىسى، ميفوپوەتيكالىق ەرلەر قوزعالىسى جانە ەرلەر قۇقىعىن قورعاۋ قوزعالىسى جاتادى.