ءبىلىم جانە عىلىم مينيسترلىگى كوللەدجدەردە وقۋ مەرزىمى قىسقاراتىنىن مالىمدەدى. سونداي-اق تەحنيكالىق جانە كاسىپتىك ءبىلىم بەرۋ ۇيىمدارىنا اكادەميالىق دەربەستىك بەرىلەدى. سونىڭ اياسىندا ءبىرقاتار وزگەرىستەر ەنگىزۋ مۇمكىن بولادى.

"كوللەدجدەردە وقىتىلاتىن ءبىلىم باعدارلامالارى جۇمىس بەرۋشىلەردىڭ قاتىسۋىمەن جەتىلدىرىلەدى، جاڭارتىلادى جانە نارىقتاعى سۇرانىس پەن تالاپتارعا سايكەس يكەمدەلەدى.

9-سىنىپتان كەيىن كوللەدجگە وقۋعا تۇسكەن ستۋدەنتتەر ءۇشىن وقۋ مەرزىمى بۇرىنعىداي ءۇش جارىم جىل ەمەس، ەكى جىلعا دەيىن قىسقارادى.

11-سىنىپتان كەيىن كوللەدجگە تۇسكەندەر ءۇشىن وقۋ مەرزىمى ەكى جارىم جىل ەمەس، 1،5 جىلدى قۇرايتىن بولادى.  كوللەدجدەردەگى ءبىلىم بەرۋ گرانت كولەمى كەزەڭ-كەزەڭمەن ۇلعايادى" دەلىنگەن مينيسترلىك تاراتقان حابارلامادا.

مينيسترلىكتىڭ مالىمدەۋىنشە، بيىل "جاس مامان" جوباسى اياسىندا 180 كوللەدجدىڭ ينفراقۇرىلىمىن جاڭعىرتۋ جۇمىستارى اياقتالادى. جوبانىڭ قورىتىندىسى بويىنشا ءاربىر وڭىردە ماتەريالدىق-تەحنيكالىق بازاسى، جاڭا وقۋ جوسپارلارى مەن باعدارلامالارى بار كەمىندە 7 زاماناۋي كوللەدج جۇمىس ىستەيتىن بولادى.