ءبىلىم جانە عىلىم مينيسترلىگى 2025 جىلعا قاراي كادرلار دايارلاۋعا ارنالعان گرانتتار تەك سۇرانىسقا يە باعىتتار بويىنشا بولىنەتىنىن حابارلادى.

گرانتتاردىڭ بىرنەشە تۇرلەرى ەنگىزىلەدى.

سونداي-اق 2025 جىلعا دەيىن ستۋدەنتتەردىڭ ستيپەندياسى تاعى 2 ەسەگە، ماگيسترانتتار مەن دوكتورانتتاردىڭ ستيپەندياسى 1،5 ەسەگە ارتپاق.

"ستۋدەنتتەردى جاتاقحانالارداعى ورىنمەن قامتاماسىز ەتۋ ءۇشىن 2020 جىلى 20 مىڭ ورىندىق 75 جاتاقحانا پايدالانۋعا بەرىلدى. ال 2025 جىلعا قاراي كەمىندە 50 مىڭ جاڭا ورىن قولجەتىمدى بولادى.

نازاربايەۆ ۋنيۆەرسيتەتىنىڭ تاجىريبەسى بويىنشا 2 وزىق جوعارى وقۋ ورنى قۇرىلاتىن بولادى. ول وقۋ ورىندارىندا يننوۆاسيالار مەن سەرپىندى تەحنولوگيالاردى دامىتۋ، وزىق عىلىمي-زەرتتەۋ ورتالىقتارىن قالىپتاستىرۋعا باسىمدىق بەرىلەدى" دەلىنگەن حابارلامادا.

سونداي-اق ەلدىڭ باسەكەگە قابىلەتتى 20 جوعارى وقۋ ورنىنىڭ بازاسىندا "اكادەميالىق ارتىقشىلىق" ورتالىقتارى قۇرىلماق.