2021 جىلعى 10 ناۋرىزدا نۇر-سۇلتان، الماتى، پاۆلودار جانە سەمەي قالالارىندا ۇلتتىق قاۋىپسىزدىك كوميتەتى ىشكى ىستەر مينيسترلىگىمەن بىرلەسىپ، اۋىر جانە اسا اۋىر قىلمىستار جاساۋعا قاتىسى بار ۇيىمداسقان قىلمىستىق توپتىڭ جولىن كەسۋ بويىنشا ءىرى اۋقىمدى ارنايى وپەراسيا جۇرگىزدى. بۇل تۋرالى ۇلتتىق قاۋىپسىزدىك كوميتەتىنىڭ باسپا ءسوز قىزمەتى حابارلادى.
"ۇستالعان توپتىڭ 16 قاتىسۋشىسىنا ادام ۇرلاۋ، بوپسالاۋ، كىسى ولتىرۋگە وقتالۋ، شىعىس قازاقستان وبلىسىنداعى كاسىپورىنداردىڭ بىرىنەن قۇرامىندا التىنى بار شيكىزاتتى ۇرلاۋ جانە ونىڭ ق ر شەگىنەن تىس كونترابانداسى، سونداي-اق ترانسۇلتتىق قىلمىستىق توپ قۇرۋ جانە وعان باسشىلىق جاساۋ ايىپتارى تاعىلىپ وتىر. قىلمىستىق توپتىڭ قۇرامىنا قۇقىق قورعاۋ ورگاندارىنىڭ ارەكەتتەگى جانە بۇرىنعى قىزمەتكەرلەرى كىرگەن" دەلىنگەن اقپاراتتىق حابارلامادا.
ۇستاۋ بارىسىندا كۇدىكتىلەردىڭ قىلمىستارىن راستايتىن ءىرى سوماداعى اقشالاي قاراجات، ماتەريالدىق قۇندىلىقتار، بايلانىس قۇرالدارى جانە وزگە دە زاتتار تابىلعان. جەدەل-تەرگەۋ ءىس-شارالارى جالعاسۋدا.
پىكىر قالدىرۋ