اقش پرەزيدەنتى دجو بايدەن پرەزيدەنت قاسىم-جومارت توقايەۆتى تاۋەلسىزدىكتىڭ 30 جىلدىعىمەن قۇتتىقتادى. بۇل تۋرالى اقوردانىڭ رەسمي سايتى حابارلادى.
"بيىل قازاقستان رەسپۋبليكاسى ءوز تاۋەلسىزدىگىنىڭ 30 جىلدىعىن اتاپ وتەدى. ءسىزدى وسى اتاۋلى وقيعامەن قۇتتىقتاي وتىرىپ، اقش پرەزيدەنتىنىڭ اكىمشىلىگى وزىڭىزبەن جانە قازاقستان حالقىمەن ەتەنە جۇمىس ىستەۋگە زور ءمان بەرەتىنىن ايتقىم كەلەدى.
ۇزاق جىلدار بويى ءبىز يادرولىق قارۋدى تاراتپاۋ، بەيبىتشىلىك پەن قاۋىپسىزدىكتى نىعايتۋ باعىتىنداعى تىعىز سەرىكتەستى قولداپ كەلەمىز. مەنىڭ اكىمشىلىگىم ستراتەگيالىق سەرىكتەستىگىمىزدى تەرەڭدەتۋگە جانە بۇدان 5 جىل بۇرىن مەملەكەتتىك حاتشى دجون كەرريدىڭ قاتىسۋىمەن باستالعان "س5+1" ديالوگ پروسەسىن جالعاستىرۋعا مۇددەلى" دەپ جازىلعان جەدەلحاتتا.
ناۋرىز مەرەكەسى قارساڭىندا دجو بايدەن قاسىم-جومارت توقايەۆقا جانە قازاقستان حالقىنا بەيبىتشىلىك پەن قۇت-بەرەكە تىلەدى.
پىكىر قالدىرۋ