الماتى ماڭىندا قۇلاعان اسكەري ۇشاقتىڭ "قارا جاشىك" مالىمەتتەرى تەكسەرىلىپ جاتىر. بۇل تۋرالى ۇلتتىق قاۋىپسىزدىك كوميتەتىنىڭ باسپا ءسوز قىزمەتى حابارلادى.
ۆەدومستۆو مالىمەتىنشە، ق ر ۇكىمەتى ۇشاق اپاتىنىڭ ءمان-جايىن انىقتاۋ ماقساتىندا قۇرامىنا ارنايى ساراپتاۋ كوميسسياسىن قۇردى. قۇرامىنا ۇلتتىق قاۋىپسىزدىك كوميتەتى، قورعانىس جانە ىشكى ىستەر مينيستىرلىكتەرىنىڭ وكىلدەرى كىرەدى.
"قازىرگى ۋاقىتتا كوميسسيا مۇشەلەرى اۋە كەمەسىنىڭ اپاتقا ۇشىراعان وقيعا ورنىندا. بورتتىق جازۋ قۇرالى ("قارا جاشىك") تابىلدى. ىشىندەگى مالىمەتتەرى تەكسەرىلىپ جاتىر. ناتيجەسى جاقىن ۋاقىتتا حابارلاناتىن بولادى" دەلىنگەن حابارلامادا.
ۇشاق اپاتىندا قازا بولعانداردىڭ تۋعان-تۋىسقاندارىمەن پسيحولوگتار جۇمىس ىستەپ جاتىر. مەديسينالىق كومەك كورسەتۋ ءۇشىن الماتى قالاسىندا ورنالاسقان ۇلتتىق قاۋىپسىزدىك كوميتەتىنىڭ گوسپيتالىنىڭ ماماندارى جۇمىلدىرىلعان.
"ارنايى بورتپەن ە.ۆاسيلكوۆتىڭ اتا-انالارى پەتروپاۆل قالاسىنان الماتىعا جەتكىزىلدى.
ۇلتتىق قاۋىپسىزدىك كوميتەتى قازا بولعاندار مەن جاپا شەككەندەردىڭ وتباسىلارى مەن تۋعاندارىنا قاجەتتى ماتەريالدىق، جەرلەۋ راسىمدەرىن وتكىزۋ ءۇشىن بارلىق كومەك تۇرلەرىن كورسەتىپ جاتىر" دەپ جازىلعان ۆەدومستۆو حابارلاماسىندا.
پىكىر قالدىرۋ